Dayè, Bondye pa fè anyen ditou ak bi prensipal pou-L’ satisfè enterè pèson. Se pa sa-k’ janm motive-L’ nan anyen l’ap fè.

Si se te pou-L’ jis satisfè lòm sèlman, Li pa t’ap ramne lòm lan an egzistans paske lòm lan egziste pou pwòp glwa-L’.

Lòm lan egziste kòm yon ekspresyon grandè-L’. Lòm lan pa egziste pou li menm, pou-l’ viv selon pwop dezi oubyen volonte-l’. Lom lan pa egziste pou-l’ esklav Satan ki pa-t’ kontribiye anyen ditou nan egzistans lom, men li egziste pou Bondye, pou glwa Bondye kapab manifeste nan vi-l’.

Si lòm lan egziste pou yon rezon spesyal; kidonk, egzistans lòm lan mande responsabilite. Baz egzistans lòm lan repoze sou responsabilite ke-l’ dwe egzèse anvè Kreyatè-l’.

Lòm lan gen yon devwa fondamantal pou-l’ rann glwa a Kreyatè-l’ atravè yon vi obeyisans.

Si pou Bondye te jis kreye lòm pou-l’ ka satisfè dezi-l’ sèlman pandan ke sa-k’ nan enterè Bondye pa okipe premye plas nan vi lòm lan, egzistans lòm pa t’ap gen okenn valè nan je-L’.

Vi lòm lan pa t’ap gen priyorite ak objektif ke Bondye vle pou-l’ genyen paske lòm lan egziste pou yon bi byen detèmine.

Bondye fè lòm nan imaj Li. Satisfaksyon oubyen plèzi-L’ ke-L’ dezire nan lavi lòm lan pa nan sans ke-L’ pa ka viv san egzistans lòm lan, men se konsa ke-L’ vle-l’.

Kidonk, se volonte-L’ ki dwe toujou satisfè avan. Tout fokis la dwe santre sou Li antan ke Kreyatè ki soutni lavi lòm. Bondye sèlman ki dwe resevwa tout glwa atravè sa ke-L’ fè. Lòm lan ap jwenn satisfaksyon ke Bondye kreye-l’ pou-l’ rejwi atravè glorifye-L’.

Se la menm ki gen vrè satisfaksyon pou nanm lòm lan. Vrè satisfaksyon se lè lòm lan ap egzèse rezon prensipal ke Bondye te kreye-l’ pou-l’ egzèse. Glwa Bondye se satisfaksyon lòm lan.

Bondye pa fè sa nan sans ke-L’ egoyis. Li fè sa paske se Li menm ki Kreyatè siprèm. Li pa-t’ anba okenn obligasyon pou-L’ te kreye anyen. Dayè, pa gen anyen ki ta ka egzèse okenn presyon sou Li tou nonplis paske egzistans Li depase tout sa-k’ egziste. Kidonk, pèsòn pa ka enpoze okenn kondisyon sou Li.

Tout sa-L’ fè depann totalman de Li menm ki chwazi selon pwòp souvrennte-L’ oubyen endepandan de tout lòt enfliyans ki te ka egziste pou-L’ kreye lòm.

Lè lòm lan pa rekonèt oubyen pa vle pran responsabilite-l’, sa vin kreye tout kalite pwoblèm nan lavi-l’. Kidonk, lè lòm lan egare, pèdi nan peche ak rebelyon akoz l’ap mennen yon vi pou pwòp tèt li anba enfliyans Satan, yon vi ki kont bi prensipal egzistans li, ebyen li vin pa an koneksyon ak rezon ke-l’ egziste.

Anplis, yon vi esklavaj vini nan eseye satisfè tèt li ak bagay ki pa deyò volonte Bondye ki pa reflete glwa-L’.

Sakrifis Kris La

Bondye te voye Kris vin ofri yon sakrifis anfavè limanite, bi prensipal sakrifis sa pa-t’ gen anyen ditou pou-l’ wè ak lòm paske yo pa-t’ merite-l’.

Yo pa-t’ nan yon kondisyon ki te aseptab nan je Bondye ki te ka enpoze yon fòm obligasyon sou Li pou-L’ te aji an favè yo.

Men se Li menm selon souvrennte-L’ ki chwazi agreye lòm yon favè ke yo pa-t’ merite. Se la doktrin gras ak lanmou enkondisyonèl Bondye vin fè anpil sans.

Kidonk, bi prensipal sakrifis sa pa-t’ repoze sou jis sove lòm lan ki te pèdi nan peche-l’. Bi prensipal la gen pou-l’ wè ak Bondye ki vle jwenn tout glwa ke Li menm sèl merite atravè ofri limanite yon privilèj pou yo sove anba peche ki te rann yo pèdi glwa-L’ yon fason pou yo ka eritye lavi etènèl ki pral pèmèt yo rann Li glwa etènèlman.

Kidonk, Bondye akòde gras Li an Kris pou pwòp glwa-L’. Li fè sa kòm yon ekspresyon lanmou enkondisyonèl Li.

Li fè sa pou-L’ akòde-n’ yon gran privilèj pou-n’ kapab vin nan yon kondisyon ki agreyab devan-L’ ke limanite te pèdi k’ap pèmèt nou egzèse objektif egzistans nou oubyen rezon ki te fè-L’ kreye nou ki se glorifye-L’.

Sa vle di si Bondye selon pwòp souvrennte-L’ fè yon desizyon pou-L’ akòde nou gras Li ki se chanèl atravè-l’ “Puissance salvatrice” Li disponib pou pèmèt lòm ki pèdi nan peche yo kapab jwenn viktwa sou peche, lachè, Satan, ak lemond malgre-L’ konnen tout difikilte nou pral fè fas kare, Li gen tout entansyon pou-L’ ranfòse ak manifeste nan lavi sila yo ki kwè pwovizyon ki gen anndan gras Li.

Anplis, non sèlman-L’ kreye yon mwayen pou-n’ resevwa gras sa, men se tout dezi-L’ pou-L’ ede-n’ konbat tout bagay ki ka reprezante yon obstak pou gras sa akonpli objektif li ki se pèmèt nou kite peche.

Peche mete limanite nan yon twou kote se sèl Jezi ki reprezante gras Bondye ki ka mete yo deyò.

Sent Espri ki nan lavi sila yo k’ap sèvi Bondye prèt pou-L’ konbat pwoblèm peche sa ki te mete-n’ nan kondisyon deplorab ki te fè-n’ bezwen Bondye fè nou gras si-n’ dakò pou-n’ soumèt volonte-n’ a Li menm.

Malgre lòm lan gen yon desizyon ak aksyon pou-l’ pran, men pwòp dezi, efò, ak volonte-l’ sèlman p’ap sifi pou ba-l’ viktwa sou peche. Paske tout kapasite sa yo gen tan tente oubyen konpwomi pa peche deja ki mete-l’ nan yon pozisyon fèblès.

Li bezwen yon bagay ki depase sa ke-l’ pa ka fè selon pwòp kapasite-l’ pou ki pèmèt li jwenn viktwa sou peche.

Li bezwen gras Bondye ki se mwayen atravè-l’ Bondye bay lòm lan kapasite pou-l’ kite peche. Lòm lan dwe rekonèt klèman enkapasite-l’ pou-l’ kite peche selon pwòp abilite-l’ yon fason pou-l’ ka depann sou pwisans Bondye.

Kisa-m’ Dwe Fè Nan Ka Sa?

Si merit pa-m’ inaseptab devan Bondye nan degre fò-m’ gen merit Kris nan mwen pou-m’ ka jwenn favè-L’, pou-m’ ka gen aksè menm ak prezans Li, tout efò m’ap fè selon pwòp kapasite-m’ atravè lachè pou-m’ kite peche sanse an ven.

Paske kapasite sa yo ki gen tan kowonpi pa peche deja gen pou yo enfliyanse-m’ pou-m’ al fè menm sa-m’ te konn fè yo. Non sèlman sa, se atravè yo menm m’ peche kont Bondye. 

M’ dwe abòde pwoblèm peche selon merit Kris ki ranpòte viktwa sou twa gran ènmi lòm: lachè, lemond, ak Satan. Se merit sa ke Bondye enplante nan lavi-m’ nan moman ke-m’ te kwè nan Jezi. Nan merit Kris, m’ap jwenn sentete-L’ ak jistis Li ki matye ak merit Papa.

Tout sa-m’ fè selon merit mwen pa gen okenn valè ditou devan Bondye. M’ pa ka sove pa mwayen pwòp merit mwen.

Si-m’ te ka gen viktwa sou peche selon merit pa-m’, si-m’ te ka mennen yon vi sen devan Bondye selon merit mwen, si-m’ te ka ranpòte viktwa sou Satan ak lemond selon pwòp fòs pa-m’, sakrifis Kris la t’ap inesesè.

Se merit Jezi Kris ki gen valè nan je Bondye. M’ dwe viv selon merit Jezi Kris.

Sa-m’ bezwen se lafwa pou-m’ egzèse nan Kris an fonksyon merit Li ki aseptab nan je Bondye. Bib la di lafwa san zèv oubyen aksyon “morte” oubyen san valè.

Lafwa mande obeyisans. Aksyon-m’ ki se yon demonstrasyon lafwa-m’ vin baze sou obeyisans mwen a Pawòl la. Se sa-k’ pral pèmèt Sentete ak jistis Kris manifeste nan lavi-m’ atravè pwisans Lespri Sen-an.

Ou pa gen kapasite nan ou pou-w’ pote viktwa sou peche paske kapasite-w’ gen tan konpwomi ak wonje deja pa peche sa. Peche detwi tout mekanis rezistans ak defans ou.

Se rezon ou bezwen depann sou yon bagay ki pou kore-w’, ki pou ranfose-w’ pou fe sa kapasite-w’ p’ap pemet ou fe.

Ou bezwen yon bagay ki pou konfronte sansibilite anve peche sa oubyen fason dezi peche sa ap sansibilize-w’ le-w’ tante ki pou ede-w’ reziste.

Sansibilite sa se youn nan koz ki rann li difisil pou-w’ reziste peche. Ou telman vin sansib anve movez entansyon sa k’ap fe chemen-l’ nan panse-w’, ou pa we ou menm vre ki pral fe yon desizyon pou-w’ pa fe-l’. Ou bezwen depann sou prezans ak pwisans Bondye.

Men anpil fwa, ou telman gen tan vle fe peche-a, menm ed Bondye ou pa bezwen. Si-w’ bezwen ed Li, ou fe sa ak de kè paske se soulajman-w’ santi-w’ ou ap jwenn si-w’ livre-w’ a peche-a ou we k’ap ka ede-w’ vre.

Ou fe sa ak yon tandans fo Bondye ta gen tan fe yon mirak pou-L’ retire dezi oubyen pou-L’ elimine presyon ke tantasyon sa ap egzese sou ou. Sansasyon dezespwa sa, fo Bondye ta gen tan elemine rapid.

Men plan se rete kalm. Kanpe sou Pawol Li jiskaske tantasyon-an pase.

God made Him who knew no sin to be sin on our behalf so that in Him we might become the righteousness of God (2 Corinthians 5:21).

Si gras se yon favè ki sòti dirèkteman nan Bondye pou-l’ pèmèt nou fè yon bagay ke-L’ konnen kapasite-n’ p’ap t’ap janm pèmèt nou fè-l’, sa fè-m’ konprann kite peche repoze antyèman sou gras Bondye.

Gras se chanèl atravè-l’ nou ka konekte oubyen depann sou pwisans Bondye k’ap ekipe-n’ pou-n’ jwenn viktwa sou peche.

Li enpòtan pou-w’ rekonèt ke-w’ pa gen kapasite pou-w’ pran yon fèm desizyon ak aksyon selon ou menm sèl atrave pwòp kapasite-w’ pou-w’ kite vi peche sa kèlkeswa nivo verite ke-w’ konnen ak efò ke-w’ fè.

Ou pa ka konfidan konsènan pwòp abilite-w’ paske ou pa konn sa k’ap vini.

Men sa pa vle di ou pa gen okenn responsabilite pou-w’ egzese.

Kidonk, nou pa ka pran sakrifis sa ke-n’ pa-t’ merite pou grenmesi. Yon bagay ke-w’ pran pou granmesi se yon bagay ke yo te dwe-w’.

Lanmou

Now faith is the substance of things hoped for, the evidence of things not seen (Hebrews 11:1).

And without faith it is impossible to please God, because anyone who comes to Him must believe that He exists and that He rewards those who earnestly seek Him (Hebrews 11:6).

And now these three remain: faith, hope and love. But the greatest of these is love (1 Corinthians 13:13).

Lanmou se yon santiman afeksyon ki egziste depi avan fondasyon lemond. Lanmou te gen tan egziste avan menm Bondye te kreye tout bagay.

Lanmou te gen tan la depi avan menm lafwa ak esperans te vin yon nesesite.

Father, I want those you have given Me to be with Me where I am, and to see My glory, the glory You have given Me because You loved Me before the creation of the world (John 17:24).

Kris pale de lanmoun Papa te gen pou Li avan kreyasyon mond lan. Tout sa ke Papa fe, Li fe-L’ atrave Pitit ak pou Pitit Li pou-L’ renye sou yo kom yon ekspresyon lanmou anve Pitit la.

Tout sa ke Papa genyen se pou Pitit la. Nou we ke Bondye kom yon Papa envesti tout Li menm ak tout sa-L’ genyen akoz lanmou-L’ pou Pitit Li. Bondye Papa p’ap fe anyen endepandan de Pitit la.

Kris Li menm an retou, tout sa-L’ fe se yon ekspresyon ak repons pou lanmou ke-L’ gen pou Papa an fonksyon lanmou Papa anve-L’. Li demontre lanmou-L’ a Papa atrave obeyisans ak soumisyon-L’ a volonte Papa.

Kidonk, Bondye ofri limanite yon plan sali se pa plis lanmou-L’ pou limamite ki te motive-L’ pou-L’ te fe sa, men koz santral la se lanmou-L’ anve Pitit la pou-L’ glorifye-L’, pou-L’ pozisyone-L’ adwat Li nan yon pozisyon one, pou-L’ bay Pitit Li yon wayom ke yon legliz ki rachte ap fe yon pati entegral nan wayom sa yon fason pou Bondye Li menm ka jwenn tout glwa.

Nan ka sa, Kris te fe yon desizyon pou-L’ te bay lavi-L’ pou nou malgre-L’ te jwenn yon opotinite pou-L’ te chanje ide-L’ se pa plis akoz lanmou-L’ pou limanite, men se akoz lanmou-L’ anve Papa.

Lanmou-L’ anve Papa ki se esans misyon ke-L’ te vin akonpli ki te baze sou glorifye Papa atrabe yon vi obeyisans pa t’ap pemet Li soti nan volonte Papa. Se rezon sa menm Li te deklare ke volonte Bondye fet.

Lanmou-an komanse ak demere nan Papa ak Pitit la. Bondye atrave Pitit Li pa pwisans Sent Espri-L’ enkopore-n’ nan gran plan sa. Bondye manifeste lanmou sa atrave Pitit Li, Sent Espri-L’ aplike-l’ a nou menm kom peche pedi ki pa-t’ merite lanmou Bondye.

Depi-w’ panse ke-w’ ka al nan syel selon pwop bonte-w’ oubyen merite pa-w’, ou gen tan pa nan gras anko. Se nan zev ke-w’ tonbe. Ou gen tan rejte baz mesaj levanjil la ki repoze sou gras Bondye an Kris.

Si Bondye te konnen gen yon fason ke lom lan t’ap atenn yon kondisyon aseptab nan je-L’ selon merit pa yo, Li pa t’ap bay yo gras. Paske gras Li t’ap inesese.

Gras Li se yon fave yo pa-t’ merite paske lom lan pa-t’ nan yon eta ki t’ap ka ba li merit ke-l’ ta dwe genyen pou-l’ jwenn fave Bondye.

Eta-l’ ak enkapasite-l’ pa t’ap janm pemet li atenn kondisyon sa tou paske tout sa lom lan fe nan eta pedisyon ke-l’ ye-a sanse tente pa peche ki nan lavi-l’.

Pwop bonte, efo, fos, ak kapasite lom lan pa ka kalifye-l’ pou-l’ jwenn fave Bondye. Sa pa ka mete-l’ nan yon kondisyon ki agreyab nan je Bondye.

Sentete, Merit, Ak Jistis

Yon vi sen, san tach, ak san blem se pa nan sans ou ka atenn yon dimansyon sentete ki egale ak sentete Bondye-a, men se plis nan sans kite sentete Bondye ki se manifestasyon glwa-L’ ki demere nan espri-w’ manifeste nan lavi-w’ atrave soumisyon-w’ a Pawol.

Se kite sentete-L’ travay nan ou chak jou. Se yon bagay ke non selman ou gen tan resevwa-l’ deja pa gras Bondye, men ou resevwa kapasite pou-w’ konfome vi-w’ ave-l’ pa pwisans Lespri Bondye.

Depi-w’ gen gras, padon, ak merit Bondye nan lavi-w’, Li we-w’ kom yon moun ki sen ak jis paske-L’ pa gade-w’ an fonksyon eta-w’ men selon pwop merit Kris ki demere nan ou menm.

Lafwa

So we are always of good courage. We know that while we are at home in the body we are away from the Lord, for we walk by faith, not by sight. Yes, we are of good courage, and we would rather be away from the body and at home with the Lord. So whether we are at home or away, we make it our aim to please Him (2 Corinthians 5:6-9).