Ki pwoblem menm ki fe yon seri moun ki gen gwo tit nan levanjil la ap tonbe nan yon seri bagay ki pa reflete sa yo ye? Y’ap tonbe nan salte ke moun pa panse yon moun tankou yo ta livre tet yo ladan-l’.

Anpil fwa, moun lan lage bay pou yo sove tet yo de moman paske moman twop pou yo. Yo fe sa ak espwa y’ap jis fe-l’ pou yon fwa selman. Y’ap fe-l’ pou yo jere oubyen travese moman.

Kidonk, yo pral fe tout sa yo kapab pou yo ekipe tet yo pou yo pa tonbe nan menm peche-a anko. Sa vle di yo panse yo pral nan yon pi bon pozisyon pou yo fe fas kare a pwochen tantasyon k’ap vini. Men pou moman, yo pa gen okenn chwa paske bagay yo two red pou yo.

Pou yo libere konsyans yon anba responsabilite moral ke yo genyen pou yo sispann livre tet yo bay peche sa, yo pretann se jis yon sel fwa. Sa p’ap rive anko.

Debarase tet yo de enpak mesaj la.

Gen yon pati nan ou ki p’ap janm vle-w’ kite peche sa. Pati sa enkonsyan. Li pa konprann enpotans kite vi sa ou ap mennen-an.

Fason Satan Domine Moun

Pou Satan domine yon moun fo-l’ depoze yon bagay nan moun sa ki pral pemet li egzese enfliyans li sou moun sa. Fo-l’ plante yon semans nan lavi moun sa.

Pou-l’ te enfliyanse lom tonbe nan peche, li te kreye yon fo vesyon komand Bondye te bay la pou-l’ soulaje konsyans lom lan konsenan responsabilite pou-l’ obeyi Bondye.

Le peche enfekte lom lan gen yon menwa ke-l’ kite deye ki gen pil eksperyans ke moun sa te fe. Memwa gen ladan-l’ plezi ke moun sa te konn rejwi nan vi sa.

M’ konnen ke vis peche sa enkane oubyen anrasine nan yon pati nan mwen. M’ konn priye pou Bondye derasine oubyen anleve pil dezi sa yo ki kreye yon rezo, men you toujou la.

Moun sa gen yon bagay k’ap debode nan yo pou yo kontinye mennen menm vi sa menm yo fe yon desizyon kite.

Jan Bib la deklare-l’, se fe pou yo fe-l’ mouri. Enfliyans lan pa jis yon enfliyans demonyak selman, men gen yon tandans ki anndan moun sa k’ap resevwa sediksyon demonyak.

Leve Timoun

Plan Satan se enfliyanse pou lom lan deside an fonksyon pwop dezi ak anbisyon pesonel li ke enmi-an enjekte nan li.

Bondye kreye lom lan pou-L’ deside selon responsabilite oubyen obligasyon ke-L’ enpoze sou lom lan. Kidonk, si Bondye fin kreye lom lan pou yon rezon byen detemine, egzistans lom lan pa t’ap gen vale nan je Bondye si lom lan se pou tet li ke l’ap viv.

Yon paran k’ap leve yon ti moun selon Pawol la, se bati ke ou ap bati timoun sa moralman ak spirityelman. Sa-w’ bay timoun lan gen yon rezistans oubyen kontwol enten ki vin kreye nan timoun sa ki pral rann li p’ap livre tet li konsa nan yon seri bagay moun ap fe.

Men plan Satan se atake kwayans Kretyen-an yon fason pou-l’ mete yo nan pozisyon pou yo konfotab pou yo fe sa ke yo te enstwi-k’ pa-t’ bon.

Le moun lan resi jwenn libete, yo livre tet yo nan peche ak yon vorasite. Se tankou y’ap eseye rekipere tout eksperyans ak plezi peche yo te pedi.