Li pa yon obligasyon ditou pou n’ap livre kò-n’ nan tantasyon paske pwisans Bondye k’ap travay nan nou-an pi fò pase presyon, tansyon, ak sansasyon dezespwa ke dezi lachè sa yo ap egzèse sou nou.

Chwa ke-w’ fè pou livre tèt ou nan moman tantasyon baze sou yon kwayans ke-w’ te toujou genyen ki baze sou manti ke Satan ap nouri panse-w’.

Manti Satan fè-w’ santi ke fòk ou fè-l’. Ou pa gen okenn chwa jan sitiyasyon-an prezante. Fòk ou satisfè dezi sa-k’ nan ou-a. Fòk ou aji sou sa-w’ tante fè-a. Ou pa ka viv san peche sa.

Fòk se vi sa menm ke-w’ dwe mennen. Twou vid sa oubyen swafte sa fò-w’ konble-l’ a pratik peche sa paske se la ki gen satisfaksyon ki an amoni ak dezi k’ap manifeste nan ou-a.

Ebyen, se konsa tou ou ka chwazi kwè nan verite Pawòl la ki pwomèt ke Bondye ap ede-w’ andire tantasyon jiskaske ou rive sòti anba-l’ selon (1 Koretyen 10:13).

Bondye pa jis vle pou-w’ pa livre tèt ou nan peche sèlman. Men Li gen yon plan menm pou-L’ ede-w’, pou-l’ soutni-w’ yon fason pou-w’ pa tonbe nan peche. 

Anplis, si Bondye pa vle-w’ livre tèt ou nan peche, se paske nan tout sajès ak bon konprann Li, Li wè peche pa nan enterè-w’. Peche ale kont fabrik ki konstitiye sa ke-w’ ye kòm moun.

Bondye sèl ka satisfè-w’ jan-L’ te kreye-w’ pou ou jwenn satisfaksyon ki se atravè prezans ak pwisans Li k’ap gouvenè lavi-w.

Kidonk, peche sa ou ap kontanple-a p’ap janm ka ba ou satisfaksyon ke-w’ panse ke-w’ bezwen-an.

L’ap jis satisfè-w’ pou yon moman jis pou-w’ reyalize ke-w’ bezwen plis plèzi toujou oubyen jis pou-w’ reyalize fò-w’ retounen al fè-l’ ankò.

Pwisans Bondye kapab pran kontwòl dezi sa yo kèlkeswa jan nou santi-n’ atravè yon tantasyon.

Se rezon ki fè nou pa dwe janm depann sou fason-n’ santi-n’ nan moman paske-l’ gen tan kominike ak panse-n’ egzakteman kisa nou dwe fè deja ki se lage bay.

Se konviksyon-n’ nan Pawòl la ki ka ban nou fòs pou-n’ reziste. Se atravè konviksyon-n’ nan Pawòl la pwisans nou demere. Konviksyon pa baze sou santiman ak sansasyon, li baze sou prensip Pawòl la.

Lòm plis kwè nan plèzi peche pou satisfè dezi lache k’ap debòde nan li pase pou-l’ kwè nan Bondye.

Pwisans Bondye

Pwisans Bondye ke-l’ fè disponib atravè gras Li gen tout kapasite pou-L’ pèmèt nou andire moman tantasyon jis nou rive sòti anba-l’ san ke-n’ pa oblije lage bay.

Men sa mande pou-w’ egzèse yon fèm kwayans nan Pawòl la. Kwè-l’ se kite reyalite ki anndan Pawòl la ki absoli, ki p’ap janm chanje, e ki etènèl ranvèse reyalite pou yo moman tantasyon ke ou ap travèse-a.

Se kite pwisans Bondye manifeste atravè konviksyon-w’ nan Pawòl la konfronte tantasyon sa ou ap sibi pou-l’ ekraze dezi lachè sa k’ap debòde nan ou-a.

Kèlkeswa jan yon tantasyon fin debòde, kèlkeswa jan-w’ santi ke ou pa ka reziste ankò, depi-w’ kanpe fèm sou Pawòl la, fòk tantasyon sa pèdi fòs.

Kwè-l’ se kite glwa Bondye ke je-w’ dwe toujou fikse sou li ki se esans oubyen valè egzistans ou, ki se sèl satisfaksyon ke-w’ bezwen anvayi lavi-w’.

Se vre manti tantasyon yo gen dwa fè plis sans a panse-w’ paske yo an amoni ak sa ke dezi lachè yo ap nouri panse-w’ ki se fè yon bagay kounyeya menm pou-w’ satisfè dezi sa yo oubyen pou-w’ jwenn yon soulajman.

Men ou ka antrene panse-w’ atravè Pawòl la pou-l’ pa kite manti ki gen nan tantasyon pote-w’ ale.

—— There’s Power In Belief ——

If how I feel is in direct contradiction to what I believe, I’ll stick to what I believe no matter what until how I feel dissipates because the prospect of being able to resist is based on belief not feeling.

In other words, I’ll lay a hold unto my biblical conviction until the power of the Spirit of God flowing through the Word, the very constituent of my belief overcomes my feelings.

You allow the Holy Spirit to sustain you by becoming your own resistance against sin by standing firm on the Word of God.

But when you embrace a belief based purely on defeat, a belief that makes you feel that you are under a constant obligation to act according to what you’re tempted of doing, then you’re allowing the power of the enemy to flow through what you believe, thus rendering you defenseless and powerless to confront your struggles.

Feelings and sensations are constantly changing from moment to moment. These body sensations come and go. People out of sheer desperation allow themselves to be driven by their feelings.

http://www.ministry-strategies.org/pwosesis-peche/