Gen lè ou jis poko vle kite vi sa paske-w’ gen bagay ki nan ide-w’ ke-w’ pral fè ki fè-w’ santi ke ou pa ka jis kite konsa. Ou santi-w’ pa ka fèmen pòt la konplètman sou aktivite sa konsa.

Gen moman menm lè ke-w’ konnen pa gen anyen serye ou ap jwenn, men ou toujou jis poko vle pran yon desizyon.

Ou poko ka rantre nan pwofondè ou menm, pou-w’ evalye pwoblèm lan nan yon degre pou-w’ reyalize ou pa ka kontinye ap mennen lavi-w’ konsa.

Ou jis poko vle fè yon desizyon pou-w’ konfronte pwoblèm sa. Paske ou gen kèk entansyon ki dwe satisfè.

Panse-w’ fikse sou yon moman ke-w’ konsidere ki trè espesyal ou ap jere. Se yon moman ke-w’ planifye pou li.

Yon moman fò-w’ rejwi-l’ kanmenm paske motivasyon ak detèminasyon-w’ repoze sou li. Kidonk, se yon moman ki vo pou riske pwòp nanm ou pou li. Dayè, risk spirityèl ki mache ak peche sa pa konsène-w’ ditou.

Ou tèlman gen yon atachman pwofon ak eksperyans sa ke-w’ gen entansyon fè-a, fè yon desizyon repanti vin tankou yon frap tèrib ke-w’ te ka bay tèt ou nan yon pwen ki pi sansib nan vi-w’.

Sa-w’ pral fè-a pa yon obligasyon pou-w’ fè-l’, men fason-w’ panse vin rann ke-l’ enpoze-l’ sou ou kòm yon bagay ke-w’ gen yon obligasyon pou-w’ fè-l’.

Gen moman menm repantans vin san valè akoz ou kite yon pòt ouvri yon fason pou-w’ kontinye ap mennen menm vi-a.

Ou kite yon pòt sitirans ouvri jis pou-w’ ka toujou al rejwi plèzi ki gen nan peche sa. Lavi-w’ vin tounen yon jwèt.

Ou konn egzakteman kisa pou-w’ fè pou-w’ abandone, men ou jis poko vle pran yon desizyon.

Majorite fwa levanjil preche nan yon moman kote anpil moun pa gen okenn entansyon repanti ditou.

Levanjil preche nan yon moman kote panse anpil moun antòtye, boure, oubyen mare ak sa yo te gen tan planifye pou yo al fè ki rann li difisil oubyen menm enposib pou yo chanje ide yo.

Tèt moun yo vin di.

Sa vle di pwogram peche yo pral komèt nan semèn lan oubyen jou k’ap vini yo gen tan byen planifye.

Fokis sou peche-a vin kreye yon avègleman total ki bouche je moun lan sou vrè reyalite ki konekte ak peche sa.

Sa ou ap panse al fè-a, sa entansyon-w’ fikse sou li-a vin kreye yon baraj ki anpeche-w’ repanti kounyeya menm. 

Lòm lan plis gen tandans kite dezi peche ap pote-l’ ale pase pou-l’ pase tan ap sonde dezi sa yo.

Li bon pou lòm lan pran tan-l’ pou-l’ kesyone tèt li konsènan kisa l’ jwenn konsa nan vi peche l’ap mennen-an ki fè-l’ kwè ke-l’ pa ka kite-l’ konsa.

Aprè plèzi peche ki se rezon santral k’ap motive-l’ kontinye ap viv nan peche, ki sa menm ki kenbe-l’.

Anpil fwa, pwiske lòm lan pa gen entansyon repanti, li pa gen okenn dezi pou-l’ rantre nan li menm pou-l’ gade eta l’ap viv paske gen yon reyalite ke-l’ pa vle fè fas kare avèk li ki se responsabilite pou-l’ chanje vi-l’.

Fason Satan Konbat Lòm Aprè Yon Mesaj

Lè yon moun fin tande yon mesaj touchan, ki penetre lavi moun sa nan yon degre kote li kòmanse santi yon nivo sansibilite anvè Bondye atravè konviksyon ke Lespri Sen-an ramne nan lavi moun sa. Li vin rekonèt nesesite pou-l’ repanti. Men toujou genyen yon obstak.

Sa-k’ rive nan moman sa yo sansibite moun sa anvè peche l’ap pratike-a vin bese nan yon degre kote-l’ ka kòmanse bay swiv Kris kèk konsiderasyon.

Men sa-k’ konn pase aprè yon tan si moun sa pa pran yon fèm desizyon, enpak mesaj la vin kòmanse diminye.

Ijans ke moun sa te santi pandan mesaj la, li p’ap santi-l’ ankò. Sansibilite moun sa anvè peche vin kòmanse ogmante.

Jan moun sa te santi nesesite pou-l’ te repanti-a, li p’ap santi-l’ konsa ankò. Santiman rebelyon-an vin ap manifeste nan menm entansite avan.

Moun sa ap retounen al mennen lavi-l’ tankou moun ki pa-t’ janm tande okenn mesaj pou-l’ chanje vi-l’.

How Sinful Desires Control People

Since sinful desires change from moment to moment so is the intensity by which they exert pressure on people.

So if you’re preaching people at a time in which they’re so caught up in such a moment where the intensity of the desires driving them is at all time high due to frequent practices, it’s very unlikely they’ll respond positively to the message of the gospel.

Because this is the exact moment people are prone to be more resistant, rebellious, hostile, callous, and vile toward the gospel. 

In this type of situation, people are being driven by whatever desire bursting forth out of them. They’ve become totally blinded to the truth.

This is the time where people have become so determined to act out on their sinful intents up to the point where there is a fierce unwillingness in them to change their minds no matter what.

They will do whatever they have already set their minds on regarless of what they’ve been told during a preaching.

This phenomenon is called possession.