Bondye te fe lom pou-l’ te gen yon mantalite ki an konfomite ak reyalite prezans ak pwisans Bondye ki te demere nan espri-l’. Li te fe lom lan pou-l’ te gen yon mantalite ki santre sou akonpli objektif egzistans ki se glorifye Kreyate-L’ atrave yon vi obeyisans.

Mantalite sa te dwe reflete fason Bondye panse Li menm, fason-L’ fonksyone, ak sa-L’ ka fe nan lavi lom lan.

Sa vle di, fason Bondye we yon bagay ki gen rapo ak responsabilite lom lan anve Kreyate-l’ se konsa-L’ vle pou lom lan we-l’. Jan Bondye konprann yon bagay se konsa-L’ vle pou lom lan konprann li.

Si n’ap mete sa pi kle toujou, se pou lom gade reyalite ki prezante devan-l’ atrave pwop je Bondye menm yon fason pou-l’ gade sitiyasyon lavi-l’ selon pespektif Bondye.

Menm si lom lan pa ta konprann yon bagay akoz Bondye pa revele-l’ yon rezon, men-L’ vle pou lom lan fe-L’ konfyans paske-L’ toujou kanpe nan entere lom lan.

Pou Ki Sa Lom Lan Dwe Depann Sou Reyalite Ki Nan Espri-L’

Paske vre reyalite-a se pa sa-k’ fe sans a panse lom lan. Se pa reyalite sistem mond sa k’ap gouvene lavi anpil. Anplis, se pa reyalite ki ka satisfe lojik oubyen rezonman lom lan, men reyalite absoli ki p’ap janm chanje ki demere atrave espri-l’.

Konsenan responsabilite lom lan anve Kreyate-l’, Bondye vle se reyalite absoli ki demere nan espri lom lan ki dwe detemine fason-l’ abode reyalite natirel ki antoure lavi-l’.

Reyalite ki demere nan espri lom lan se atrave-l’ Bondye opere nan lavi-l’. Se yon reyalite etenel ke-l’ ye ki depase oubyen domine reyalite natirel la. Kidonk, se reyalite sa ki dwe fasone mantalite lom lan ki senbolik ak pwogram k’ap gouvene lavi-l’.

Dezobeyisans Dezoryante Lom Lan

Se pa-t’ plan Bondye ditou pou se reyalite natirel ki antoure vi lom lan ki kapab enfliyanse oubyen manipile pa Satan pou ki t’ap gouvene lavi-l’ nan tout aspe.

Lom lan atrave rebelyon vin dekonekte ak Bondye ki reprezante reyalite absoli ki ta dwe gouvene lavi-l’. Kidonk, se reyalite sistem mond sa ki gen kom baz li Satan menm k’ap opere atrave dezi lom chanel ki vin ap enfliyanse mantalite lom lan.

Se reyalite sa ki chaje ak tout kalite desepsyon ladan-l’ k’ap nouri mantalite lom lan.

Dezobeyisans vin vire mantalite lom lan tet anba kote lom vin san kapasite pou-l’ konprann Bondye. Lom lan vin dwol anpil nan panse-l’. Lom lan vin panse mal anpil.

Li vin pa ka gade pi lwen pase sa-l’ ka pesevwa atrave 5 sans li. Pou li menm reyalite ki fe sans a li menm nan moman, reyalite ki an ako ak sa ke nati chanel li dezire, se sa-k’ vre reyalite-a.

Se sa-l’ we paret bon nan je-l’ la kelkeswa sa ke Pawol Bondye-a di se li menm ke-l’ konvenk ki bon pou-l’ foure tet li ladan-l’.

Lom lan vin selman ka pesevwa bagay spirityel nan yon pespektif chanel. Malgre vi Kretyen-an se yon vi spirityel, li vin eseye abode-l’ selon mantalite chanel k’ap domine lavi-l’.

Vi Kretyen-an pa an amoni ak mantalite chanel k’ap gouvene panse lom lan. Mantalite chanel sa se yon gwo kokennchenn obstak ke-l’ reprezante ki rann lom lan pa ka janm konprann ke vi Kretyen-an ke-l’ ka viv li atrave pwisans Bondye.

Li rann lom lan pa ka sezi reyalite vi Kretyen-an nan yon degre pou-l’ vle mennen vi sa.

Se rezon sa ki fe vi levanjil oubyen vi Kretyen-an p’ap janm ka fe sans pou lom ki poko rejenere-a.

Lom lan vin pa gen kapasite pou-l’ konprann si Bondye di-l’ pa fe yon bagay se paske Bondye we-l’ p’ap bon pou li. Men pou lom lan, tandans ak mantalite chanel li fe-l’ konprann ke gen yon bagay ke Bondye pa vle-l’ fe eksperyans ave-l’.

Gen yon bagay espesyal ki kache deye komand sa Bondye bay la oubyen nan sa ke Bondye pa vle yo fe-a. Kidonk, fok li eseye-l’ oubyen fo-l’ we reyalite sa pou tet li avan. Lom lan pa vle kite se pou Bondye k’ap detemine sa-k’ bon ak sa-k’ pa bon pou li. Se li menm pou ki fe yon seri eksperyans pou tet pa-l’ avan.

Li vin pa ka konprann ke Bondye pa jis enpoze komandman-L’ yo sou li nan sans pou-l’ degaje-l’ pou-l’ obseve yo, men se plan pou-L’ travay nan lavi lom lan yon fason pou-L’ ekipe lom lan pou-L’ fe volonte-L’.

Sa pou lom lan fe se soumet volonte-l’ a Bondye.

Akoz mantalite chanel sa, gen desizyon lom lan pa ka fe-l’ pou kont li paske sa pa nan nati-l’ menm.

Repantans

Li pa janm ka sezi plezi peche sa, satisfaksyon pou yon monan sa l’ap chache-a ki ba-l’ yon deteminasyon pou-l’ kontinye ap chache nan vi rebel sa l’ap nennen-an ke Bondye ka jere-l’.

Pespektif ou dwe chanje totalman. Menm jan ke Pawol la di, ou dwe gen panse oubyen mantalite Kris ki operasyonel nan lavi-w’. Gen panse Kris pemet ou we reyalite yon lot fason.

Yon fason ki koresponn ak jan Met ou vle pou-w’ we reyalite. 

Genyen yon chanjman total ki dwe fet nan mantalite-w’ ki mande fok ou sispann gade responsabilite-w’ pou-w’ fe volonte Bondye, pou-w’ mennen yon vi sen atrave mantalite chanel sa ki enpoze yon enposibilite sou ou.

Tout bagay soti nan Bondye. Kidonk, se devwa-L’ pou-L’ materyalize oubyen akonpli tout sa-k’ soti nan Li. Vi Kretyen oubyen vi sentete sa se yon vi ki jwenn orijin li nan Bondye ki vin posib atrave a nou menm an Kris e ki manifeste pa Sent Espri Bondye.

Sa-w’ bezwen fe se eseye konprann ke se pa efo-w’, pwisans ou, abilite-w’, oubyen pwop fos pa-w’ ki pral pemet ou mennen vi ke Bondye vle pou mennen-an, men se Bondye Li menm atrave Jezi Kris pa pwisans Sent Espri-L’ ki pral manifeste vi sa nan lavi-w’ si-w’ selman chwazi pou-w’ livre lavi-w’ a Bondye.

Fo-w’ komanse panse selon prezans ak pwisans Bondye ki demere nan lavi-w’.

Fo-w’ komanse panse selon grande-L’ ki san limit. Komanse panse de pwisans sakrifis Kris sou lakwa ki sifizan pou brize tout chen peche.

Panse konsenan Sent Espri Bondye ki vin pran rezidans nan lavi-w’ pou-L’ pemet ou fe sa-w’ pa t’ap janm ka fe, pou-L’ pemet ou we sa ou pa t’ap janm ka we.

Se Sent Espri Bondye ki pral travay nan lavi-w’ an fonksyon viktwa Kris sou lakwa anfave-w’ sou peche, Satan, lemond, ak lache.

——–

Menm le moun lan p’ap jwenn anyen serye, men fo-l’ fe eksperyans lan kanmenm. Fo-l’ we koman sa ye sou lot bo-a kanmenm.

Satisfaksyon oubyen plezi pou yon moman sa k’ap domine lespri-l’ sou fom panse fe-l’ santi fo-l’ materyalize-l’ atrave fe ak la.

Sa-w’ bezwen fe-a p’ap itil ou anyen.

Konfronte Mantalite Rebel

M’ annafe ak yon kokenchenn obstak ki kanpe devan-m’ ki sanse rann tout sa m’ap di yo vin pa fe okenn sans ditou paske sila yo k’ap tande yo gen tan gen yon lot vesyon reyalite ki plis fe sans a yo menm k’ap domine panse yo.

Kidonk, se vesyon reyalite sa k’ap detemine fason yo dwe mennen vi yo. Lavi yo, pesonalite yo se jis yon ekspresyon mantalite sa. Sa enpoze-l- nan vi yo kom sel fason selon li menm pou yo mennen vi yo paske se li menm ki an konfomite ak sa ke yo dezire. 

Mantalite sa ki vin fome atrave panse yo mete yo an dispozisyon pou yo rejte, reziste tout sa m’ap di la. Y’ap tande ak yon santiman rebel ki rann yo pa gen okenn entansyon asepte sa m’ap di yo.

Prensip Pawol la ki bon pou yo vin tounen yon bagay ki pa gen plas li nan vi yo nan tan y’ap viv la.