Sa yo ki pa konn Bondye k’ap viv anba dominasyon Satan ki sèvi Kwayan kòm yon ènmi ap fonksyone ak kapasite “de base” ke Bondye te mete nan lòm pou yo opere kòm moun sou tè sa. 

Non sèlman sa tou, fason y’ap itilize kapasite sa yo pa an amoni ak koz prensipal ke Bondye te mete yo nan lòm. Kidonk, kapasite sa yo kowonpi pa peche.

Se moun k’ap viv selon dezi lachè k’ap manifeste nan lavi yo. Y’ap opere nan yon dimansyon chanèl. 

Vrè kapasite spirityèl ki se esans egzistans lòm ki baze sou yon relasyon ak Kreyatè-a, yo pa genyen-l’. Se moun vrè imaj Kreyatè-a paka vrèman reflete nan lavi yo.

Yo pa gen prezans Bondye nan lavi yo. Yo pa gen lavi Bondye nan yo. Yo san pwisans. Satan manipile yo jan-l’ vle ak lè-l’ vle.

Yo paka egzèse oubyen akonpli rezon ak objektif santral ke Bondye te kreye yo ki se glorifye-L’. Fason y’ap mennen vi yo vin rann yo initil nan je Bondye.

Y’ap fonksyone nan yon dimansyon ki vrèman enferyè a dimansyon ke Bondye te kreye yo pou yo te fonksyone. 

Kretyen An Genyen Yo Avantaj Sou Yo

Men Kretyen yo gen yon kapasite nan yo menm ki depase nan yon degre ki enfini sa payen yo genyen-an. Paske Mèt Kretyen yo ki se Jezi Kris siprèm sou mèt payen yo, Satan.

Mèt Kretyen yo se Kreyatè mèt payen yo ansamm ak tout payen sa yo k’ap viv anba enfliyans li. Sent Espri k’ap opere nan lavi Kretyen yo siprèm sou tout movèz espri k’ap opere nan lavi payen yo.

Anplis, zam ki nan men sa yo ki ta leve kont Kretyen yo “strikti atomik” ak enèji k’ap vibre oubyen aji kontinyèlman nan zam sa yo ki kenbe oubyen ini tout ti eleman yo ansanm depann de Kris. 

Entèlijans, konesans, kapasite pou aprann, konpreyansyon, ak materyèl ke lòm itilize pou fè zam, yo fè yo tout atravè yon mwayen, prensip, lwa, ak yon bagay ki te etabli depi nan kòmansnan tout bagay an Kris.

Pa gen okenn zam kit li mistik oubyen fizik ki ka fèt endepandan de yon bagay ki pa-t’ deja la. Satan ak lòm se woulibè ak kopyadò ki motive pa movèz entansyon ke yo ye. Sa demontre-m’ dominyon-W’ Senyè Jezi sou tout bagay sa yo.

Senyè Jezi, Ou siprèm sou tout zam fizik tankou pistolè ak fizi, grenn katouch k’ap vèse anpil san, dechire chè, depatya ògàn, ak kraze ak moulen zo moun.

Ou siprèm sou grenad, ròkèt, kouto, kout manchèt, bonm, misil, avyon gè, elikoptè gè, bato gè, soumaren, cha, asid, dife, ak tout lòt zam ki egziste nan domèn sa ke-W’ konnen ke-m’ pa konnen.

Enèji ke zam sa yo jenere pou yo enflikte domaj katastwofik sou viktim lan konekte ak enèji enfini sa ke-W’ te etabli kòm fondasyon inivè-a ki gen kòm baz li pwisans kreyatif Bondye. Sa vle di, zam sa yo konekte dirèkteman ak yon bagay ki te deja la. Y’ap evolye atravè yon bagay ki te etabli la deja atravè Ou menm.

Ou siprèm sou tout zam mistik tankou kout poud, ekspedisyon, voye mò sou moun, toudi moun, pran nanm moun, pyèj mistik, malediksyon, mare moun pou yo pa janm pwogrese, rale moun nan miwa mistik, ak tout lòt zam ki egziste nan domèn sa ke-W’ konnen ke-m’ pa konnen.

Ou siprèm sou tout fòm pwazon kit li natirèl, chimik, oubyen mistik.

Ou siprèm sou mechanste ki nan kè lom. Ou siprèm menm sou inyorans, neglijans, ak endiferans lòm anvè yon seri danje ki egziste atravè movèz desizyon ke y’ap pran.

Anplis, souf lavi, ADN, enèji, ak pwisans ki kenbe ògàn, selil, zo, chè, san, molekil, ak atòm ki nan kò fizik lòm lan ki rann lavi posib depann de Bondye an Kris pa pwisans Sent Espri-a.

Menm pwisans ki te materyalize tè-a atravè-l’ Ou te pran pousyè tè-a pou-W’ te fòme kò fizik lòm lan, menm pwisans atravè-l’ Ou mennen Adan ak Èv an egzistans, li toujou operasyonèl nan kò fizik lòm lan jis kounyeya menm.

Se Jezi Kris ki kenbe tout eleman ki konpoze matyè ki konstitiye mond materyèl la ansanm. Dansite ki nan tout matyè kit li solid, likid, ak gaz anba kontwòl Kris ki te pale mond materyèl la an egzistans selon konsant Papa pa pwisans Lespri Sen-an.

Spas Ak Mouvman

Lè yo tire yon katouch, spas kote katouch la pakouri-a sanse ouvri pou-l’ fè wout pou grenn bal sa pase. Katouch la chire, franchi, oubyen penetre materyèl ki konstitiye lè-a pou-l’ pase.

Li franchi gaz, atòm, molekil, ak dansite atomik eleman sa yo pou-l’ atenn viktim lan. Gen yon nivo rezistans kanmenm paske spas se yon fabrik.

Spas ke lòm ap opere ladan-l’, spas si yo tire oubyen lanse zam yo ladan-l’ avan-l’ atenn viktim lan anba kontwòl Kris. Se Li menm ki kenbe molekil ki konstitiye spas ke-w’ jwenn “air” ke tout objè ka deplase ladan-l’.

Spas sa pa vid jan-l’ parèt la paske-l’ gen sibstans ladan-l’ sou fòm gaz. Kèlkeswa zam yo lanse, fòk li franchi spas sa kanmenm pou-l’ atenn destinasyon yo voye-l’ la.

Senyè, Ou gen kontwòl sou tout mouvman ak aktivite k’ap fèt nan domèn sa. Ou gen kontwòl sou tout objè ki an mosyon ak vitès ke objè sa yo ap vwayaje.

Kris siprèm sou tout bagay ki egziste kit li vizib ak envizib. Li siprèm sou lavi lòm lan, espri-l’, nanm li, kò fizik li, entansyon-l’, tout zam ke l’ap itilize kit li natirèl oubyen mistik pou-l’ komèt mal, ak anviwonman kote lòm ap fonksyone-a. Anplis, Kris siprèm sou dyab k’ap enfliyanse payen yo komèt mechanste.

By the Word of the Lord; were the heavens made; and all the host of them by the breath of His mouth (Psalms 33:6).

The eternal Son not only created all things by His omnipotent Word (Psalms 33:6; Hebrews 11:3) but is now “upholding all things by the Word of His power.

Pwisans Li depase spas, tan, matyè, ak enèji ki se eleman fondasyonèl ki konpoze mond materyèl la. Dayè, se atravè-L’ tout bagay sa yo vin yon reyalite. Se ak Pawòl Li tout bagay sa yo materyalize.

Si Jezi Kris siprèm sou tout bagay an tan Kreyatè ak Sila ki kenbe oubyen soutni egzistans tout bagay pa pwisans Pawòl Li, non-L’ ki pi wo pase tout non gen yon otorite siprèm sou tout bagay sa yo ki anba pwisans Li.

Tout bagay te fèt atravè-L’ ak pou Li ki se koz kreyasyon-an yon fason pou Bondye Papa ka glorifye atravè Pitit la pa pwisans Sent Espri-L’. Sa se koz final kreyasyon-an

Pa gen anyen ki egziste san se pa atravè Li menm yo egziste. Pa gen anyen ki egziste san se pa-t’ pou Li yo egziste yon fason pou-L’ ka renye sou yo.

Kidonk, pwisans non-L’ transande spas, tan, matyè, ak enèji. Se non sa ke Kretyen-an genyen pou yo konbat wayòm Satan.

Lucifer himself confessed that Jesus is the very name of the living God, which He Himself bears. The universe was created by that name. He then admitted that huge difference between Jesus and him is Jesus is his creator along with his acolytes.

No Need Of Weapon

I have something within greater and more powerful than any weapon that I could have gotten my hands on.

The power within me is far more superior than the power in those who want to harm me.

You, dear children, are from God and have overcome them, because the One who is in you is greater than the one who is in the world (1 John 4:4).

I stand after Jesus Christ.

Lè-W’ Rive Yon Kote

Pran otorite sou atmosfè spirityèl, metafizik, ak fizik zòn sa. Pran otorite sou tan, spas, ak matyè nan zòn sa. Egzèse otorite sou striti atomik ak tout matyè ki konstiye zòn sa-a nan non Jezi.

Pran otorite sou tout movèz espri ak pwisans demonyak k’ap opere nan zòn lan. Espri siperyè, espri sèvan ki anba lòd espri siperyè yo, espri kriminèl, espri anraje, espri-k’ fè moun pèdi tèt yo oubyen bon sans yo, ak espri k’ap enfliyanse moun vèse san moun parèy yo. Pran otorite sou espri k’ap enfliyanse oubyen mimik pwoblèm mantal pou moun al komèt vye zak malonèt. (Espri lanmò)

Pran otorite sou tout vye entansyon movèz espri yo ap enplante nan panse lòm yon fason pou yo manifeste ajanda destriktif wayòm dyab la atravè konpòtman yo. Pran otorite sou tout vye entansyon malefik ki nan panse lòm ke yo pral pare aji sou yo.

Tout vye entansyon dyabolik, m’ atake yo depi nan nivo “sibkonsyans” y’ap evolye-a. M’ atake yo kòmanse nan aspè spirityèl, pase nan mantal, emosyonèl, volontè, rive sou fizik.

M’ atake fason movèz entansyon sa yo domine panse lòm lan nan yon degre fè yo santi fòk yo komèt tout vye zak ki pwograme nan panse yo.

M’ atake fason vye entansyon sa yo ap pote lòm lan ale ki sanse rann kapasite-l’ pou-l’ panse byen redwi a zero.

M’ toupizi entansyon sa yo. M’ bloke yo pou yo pa monte nan “konsyans” lòm kote abilite pou yo ekzekite entansyon malefik yo atravè desizyon ak aksyon demere

Pran otorite kont tout vye konplo ki ranje pou vin fè dezòd ak gaspiye lavi moun ki fèt nan imaj Bondye. Sa-k’ ka fèt se sa ki nan volonte Bondye. Se bagay atravè li menm Bondye ka akonpli objektif Li.

Lavi lòm lan twò chè, Bondye envesti twòp nan lavi lòm an Jezi Kris pou vi-l’ ap pase mal konsa atravè moun ki enfliyanse pa dyab pou yo vèse san (Jenèz 1:26; Jenèz 9:6). Pran otorite kont volonte Satan nan zòn sa.

Dyab la pa kreye menm yon mouch. Lè Bondye t’ap fè lòm, misye pa-t’ kontribiye anyen menm. Dayè, Bondye pa-t’ bezwen okenn konsèy nan men misye tou nonplis paske kisa misye te konnen konsa kòm ènmi Bondye ki pèdi onksyon ak glwa Kreyatè-a te mete sou lavi-l’ ak tout akolit li yo.

Kreyasyon ras imen-an depase kapasite misye. Kidonk, dyab la atravè endiferans, inyorans, ak neglijans lòm sèlman la pou-l’ detwi sa ke Bondye te kreye pou pwòp glwa-L’. 

Pwiske non Jezi gen yon otorite siprèm sou tout sa ki egziste. Otorite non sa-a domine sou tout inivè-a ansanm ak tout materyèl ki konstitiye-l’. Non sa depase tout bagay. Tout bagay sanse jwenn egzistans yo atravè Sila sa ki pote non Jezi.

Kidonk, non sa pi wo pase tout eleman ak materyèl ki konpoze inivè-a.

Anplis, lè-w’ desann nan ti eleman ki rele atòm ki se blòk ki konstitiye tout matyè nan inivè-a tankou solid, likid, ak gaz, non-L’ domine sou yo paske se Li menm ki soutni oubyen kenbe tout ti eleman sa yo ansanm pou yo pa desentegre.

Se menm pwisans sa k’ap koule nan Li menm k’ap aji ak vibre kontinyèlman anndan ti eleman sa yo. Jezi Kris gen yon otorite sou tout chè paske tout vi depann de Li menm, menm si anpil pa rekonèt Li kòm Sovè ak Senyè nan lavi yo.

Non sa pi wo pase tout bagay ki an mouvman oubyen an mosyon nan inivè-a kit li se movèz espri, lòm, evènman, ak tout objè k’ap deplase ni nan syèl la, ni sou tè, ni anba tè, ni sou dlo, ak ni anba dlo.

Non sa gen yon otorite san limit sou tout plan egzistans kit li se plan spirityèl – astral ak plan natirèl.

Nan otorite non sa, pa gen moun anba enfliyans dyab k’ap vin pran woulib sou tan, spas, matyè, ak enèji ke Bondye te kreye atravè non sa pou yo vin fè moun mal.

M’ pran otorite sou atmosfè spirityèl ak fizik zòn sa-a nan non Jezi.