Le se pa Bondye k’ap dirije-w’ nan desizyon ke w’ap pran nan lavi-w’ akoz ou pran tout bagay an chaj kote ou ap fe yon seri desizyon selon pwop sajes ou, selon altenatif ki fe plis sans a ou menm nan moman, oubyen ou ap fe desizyon selon sa ke-w’ dezire san konsilte Bondye, ou vin tankou yon machin k’ap kouri ak tout kous sou yon wout ki chaje ak brouya epi ki gen yon falez nan pwent li.

Brouya reprezante ensetitid ki gen nan desizyon ou ap fe yo paske ou pa konnen egzakteman kisa ki ka rive. Konesans ou limite. Ou gen dwa we desizyon-an fe sans jodi-a, men apre yon tan ou ap vin reyalize­ se pi gwo ere ke-w’ te ka komet nan vi-w’.

Brouya rann ke-w’ paka we a yon setan distans. Pwiske se wout sa ke-w’ we ki se bon rout la, se li ke-w’ chwazi, men alafen ou gen pou-w’ tonbe nan falez sa-a.

Gen sakrifis ou fe jodi pou Bondye, ou gen dwa paret dwol nan je moun, yo gen dwa trete-w’ kom moun fou, men si-w’ kenbe tet ou dwat ou pa kite sa y’ap di oubyen sa yo panse de ou menm fe-w’ dekouraje, ou gen pou-w’ fe sans yon jou.

Sa yo ki te panse se yo ki te pi saj oubyen konnen pral reyalize ke yo pa-t’ konn anyen vre. Genyen ere ke-w’ fe nan jenes ou, se le-w’ konn rive nan tranten oubyen karanten ou pral komanse santi vre konsekans vi-w’ te konn ap mennen-an.

Gen anpil moun pou pwoblem ak enstabilite ki vin gen nan lavi yo, si yo te ka replanifye vi yo anko, yo pa t’ap mennen menm vi sa yo te konn ap mennen.

Bon Sans Ak Konviksyon

Konprann sa byen, Bondye pa kreye lom lan pou-l’ konsilte Pawol la (ki se espri) konsenan tout desizyon ke l’ap fe.

Paske gen desizyon lom lan ap fe ki fe pati devwa fondamantal ke lom lan genyen anve tet li, fanmi-l’, ak moun ki alantou-l’. Kidonk, li pa bezwen se Bondye pou ki di-l’ kisa pou-l’ fe.

Egzanp ke-n’ ka bay, nan domen ijen, lom lan pa bezwen se yon pasaj biblik pou ki di-l’ fo-l’ benyen, bwose chak jou.

Si yon kay pran dife, lom lan pa bezwen konsilte konviksyon ki nan espri-l’ pou-l’ konn kisa-l’ dwe fe. Si yon dlo ap bouyi sou yon dife, lom lan pa bezwen se yon pasaj biblik pou ki di-l’ si-l’ foure men-l’ nan dife sa, l’ap brile gravman.

Sa yo bon sans lom lan ki se yon konesans fondamantal ke Bondye entegre nan lom lan gen tan di-l’ kisa pou-l’ fe ak pa fe nan sitiyasyon sa yo.

Men nan domen pran desizyon ki gen enplikasyon spirityel pou relasyon lom lan ak Bondye, ak moun ki nan antouraj li, lom lan pa sipoze pran desizyon sa yo san konsilte volonte Bondye.

Plan Bondye se pou lom lan pran desizyon selon sa-l’ konnen ki dwat an fonksyon konviksyon ke Bondye mete nan espri-l’ atrave Pawol la pou ki gide-l’.

The soul is very logical.

1) Reasoning conducted or assessed according to strict principles of validity.

2) Characterized by or capable of clear, sound reasoning.

3) A particular method of reasoning or argumentation.

Lojik oubyen rezonman imen se yon kapasite oubyen fakilte ke Bondye met nan lom lan pou yon bi byen detemine. Se li menm ki konstitiye fason ke lom lan panse, rezone, oubyen reflechi.

Bon sans lom lan baze sou fakilte sa. Se atrave-l’ lom lan kapab analize yon seri bagay konsenan si yo fe sans ou pa. Se yon kapasite ki sanse baze sou reyalite materyel ki antoure vi lom ke nou konekte ave-l’ atrave 5 sans nou yo.

Se li menm lom lan itilize pou-l’ fe yon seri desizyon fondamantal ki gen pou we ak responsabilite “de base” ke-l’ genyen anve pwop tet li, sitou nan nivo pran swen ak proteje tet li kont yon seri danje.

Pa egzanp li pa lojik pou-w’ fouye men-w’ nan yon dife. Li pa lojik pou-w’ kite grangou ap bat ou pandan ke ou gen lajan nan men-w’. Li pa lojik pou bwe yon pwazon pandan ke ou gentan konnen ke l’ap touye.

Si-m’ konn machin lan pa gen fren, li pa lojik pou m’ap kondi-l’. Gen anpil lot egzanp nou ka itilize toujou.

Sa vle di ou pa bezwen al li Labib pou-w’ chache volonte Bondye konsenan yon seri bagay. Ou pa bezwen al pase tan nan lapriye pou-w’ chache direksyon Bondye paske bon sans ou gen tan di-w’ egzakteman sa pou ou fe.

Bondye pa gen pwoblem pou lom lan itilize kapasite sa konsa. Men nan domen spirityalite oubyen relasyon lom lan ak Bondye, lom lan pa dwe depann sou sa bon sans li ap di-l’ fe ki baze sou kapasite lojik sa-k’ nan li.

Paske se yon kapasite ki limite ke-l’ ye ki pa ka konprann oubyen disene bagay spirityel. Sa ke bon sans ou konn kovenk ou ki se reyalite-a se pa li ki konn vre reyalite-a. 

Sitou reyalite sistem mond fini sa k’ap detemine ak dikte fason ke lom lan dwe mennen lavi-l’ se yon reyalite ki enfliyanse pa Satan. Vre reyalite-a se reyalite spirityel ki egziste atrave sa ke Pawol Bondye-a di-a.

Enmi-an enfiltre atrave menm kapasite sa pou-l’ chache enfliyanse lom lan pou-l’ aji selon bon sans li olye de sa ke Pawol Bondye-a di-l’.

Sa vin rann lom lan gen yon tandans natirel anve fe sa-k’ pi fe sans a li menm nan moman, fe wout ki pi kout la, fe sa ki ka retire-l’ pi vit nan sitiyasyon ke-l’ ye-a, fe sa ke ide-l’ di-l’ pou-l’ fe. Tout sa yo se lojik.

Lojik la le-l’ vin tounen eleman santral k’ap enfliyanse vi lom lan, li vin rann Pawol Bondye-a pa fe okenn sans a lom lan anko.

Nan domen spirityalite, lom dwe fe desizyon selon sa ki dwat nan espri-l’ olye selon sa-k’ fe sans nan panse-l’.

Domen spirityalite se prezans ak pwisans Bondye ki demere atrave espri lom lan ki dwe jere-l’. Nanm lan gen yon entelijans, konesans, ak sajes teres ki limite pandan ke kapasite ke espri-a genyen se yon kapasite seles ki san limit.

Si ou ap swiv lojik ki nan nanm lan, ou ap tonbe nan pyej dyab la paske depi lom lan genyen yon seten dezi anve yon bagay, panse-l’ genyen yon tandans pou-l’ ajiste-l’ a sitiyasyon oubyen opotinite prezante-a yon fason pou-l’ ba-l’ yon rezon valid pou-l’ aji.

Adan ak Ev tonbe nan pyej dyab la se akoz yo te chwazi fe sa ke dyab la te tante yo pou yo fe ki te paret kom altenatif ki rezonab pou yo nan moman olye pou yo te rete atache ak komand ke Bondye te bay yo ki gen pou-l’ we ak konviksyon ke Bondye te depoze nan espri yo.

A chak fwa ou chwazi peche, ou chwazi fe yon desizyon selon lache ki manifeste enfliyans li yo atrave fason panse lom lan panse.

Feblès Nanm Lan

Nanm lan ap fonksyone nan yon dimansyon febles kote-l’ plis gen yon tandans pou-l’ soumet li ak dezi lache yo paske se sa-l’ te konn toujou fe avan-w’ te sove. Se soumet li anba presyon ak tansyon dezi lache yo te konn ap egzese sou li atrave adapte-l’ a dezi sa yo.

Nanm lan te pwograme menm pou-l’ aji konsa atrave vi ke-w’ te konn mennen avan. Se rezon menm nanm lan te sanse pa-t’ gen kapasite pou-l’ kontwole konpotman lom lan selon sa-l’ konnen ki dwat.

Le-w’ sove, Pawol Bondye-a gen tan egziste deja nan lespri-w’ atrave Prezans Sent Espri-a ki se Ote Pawol la sou fom konviksyon konsenan sa-w’ dwe fe ak sa pou pa fe devan Bondye.

Men nanm lan pa non yon kondisyon pou-l’ konfome-l’ ak pwovizyon ak kapasite spirityel ki nan espri lom lan. Li pa nan yon kondisyon pou-l’ kite pwovizyon spirityel sa yo ranpli ak domine-l’.

Nanm lan mande pou-w’ ranfose ak disipline-l’ ak menm Pawol Bondye-a yon fason pou-l’ ka amonize-l’ ak konviksyon Pawol la ki nan espri-w’.

Objektif li Pawol la, tande-l’, medite sou Li se pou pemet nanm lan kapab an mezi pou-l’ soumet ak prezans ak pwisans Bondye ki demere nan espri-w’.

Se pou pemet nanm lan sispann konfome-l’ ak dezi lache k’ap manifeste nan lom lan ansanm ak vye lojik ke nanm lan pwodwi an relasyon ak dezi sa yo pou-l’ kreye yon eskiz pou-w’ peche kont Bondye.

Obeyisans depann sou sa. Kidonk, le nanm lan an soumisyon, le-w’ tante Pawol la ki nan lespri-w’ gen pou-l’ monte nan nanm lan e pemet ou reziste tantasyon-an.

Nan ka sa, se pa ou menm k’ap eseye gade tantasyon nan yon pespektif ki baze sou fason nanm lan t’ap we-l’ an fonksyon dezi lache ki nan ko-a, men se ou menm atrave nanm lan ki ap gade ak konfronte tantasyon-an selon konviksyon Pawol la ki nan lespri-w’.

Sa vin pemet prezans Sent Espri-a anvayi nanm lan.

Objektif ou kom Kretyen se aprann mennen vi-w’ selon reyalite ki demere nan espri-w’ kote Sent Espri Bondye pran rezidans.

Plan Bondye atravè sanktifikasyon se bati lòm lan spirityèlman yon fason pou-l’ gen kapasite pou-l’ reziste movèz enfliyans Satan.

Lòm lan fin delala pa peche, Bondye plante yon poto fèm nan lòm pou kenbe-l’ dwat. Peche domaje, defigire, plwaye, ak defome panse lom nan yon degre kote-l’ pa ka alinye-l’ ak Pawol la.

Kidonk, fok gen yon travay ki fet nan nanm lom lan yon pou Pawol la redrese panse lom lan jan Bondye vle-l’ la

Vi Kretyen-an vle di pati kote-w’ konviksyon-w’ demere ou travay sou li pou ranfòse ak fòtifye-l’.

————————————

Reyalite vi Kretyen-an pa baze sou fe yon seri desizyon ki fe plis sans a ou menm nan moman nan move sikonstans ou ap travese-a.

Li pa baze sou fe desizyon ki ka ba ou yon satisfaksyon imedyatman, oubyen desizyon ki paret kom sel solisyon pou pwoblem ke-w’ genyen-an malgre ke-w’ konnen ke desizyon sa yo ak vi ke-w’ pral oblije mennen an fonksyon desizyon sa yo kont volonte Bondye.

Desizyon sa yo gen dwa ba ou yon seten sipo oubyen satisfaksyon pou yon tan, ou ka fe yon seri eksplwa, men desizyon sa yo pa nan entere lavi spirityel ou.

Se detwi ke y’ap detwi kapasite spirityel ou. Anplis, desizyon sa yo se kreye y’ap kreye yon depandans nan lavi-w’ sou yon vi ke Bondye pa vle-w’ mennen. Se antrave ou ap antrave lavi spirityel ou.

Vi Kretyen-an se yon kesyon fe Bondye konfyans kontinyelman atrave sitiyasyon ke-w’ ap travese kelkeswa jan sa ye.

Anpil fwa, nou chwazi fe fason ke-n’ santi-n’ nan yon sitiyasyon plis konfyans ke-n’ fe Bondye konfyans.

Moun ki pa vle fe tenten chache depann sou Bondye pou sipo le yo jwenn tet yo nan yon seri move sitiyasyon k’ap egzije pou yo fe yon seri bagay ki pa nan volonte Bondye menm pou lavi yo, men ki ka ede yo nan sitiyasyon sa.

Anpil fwa, solisyon pou pwoblem lan konn la. Kidonk, si moun lan vle soulaje tet li nan sitiyasyon-an li kapab, men solisyon imedya sa yo se yo ki toujou gen plis pyej ladan yo.

Yo gen dwa paret kom solisyon pou moman pandan ke se nan konpwomi ak peche ke y’ap mennen-w’.

Men moun ki vle fe tenten-an, depi yo komanse ap fe eksperyans ak yon seri move sitiyasyon ki mande fok yo fe yon desizyon, sa yo we ki ka ba yo yon rezilta imedyatman se li menm y’ap fe, menm le ke yo konnen li pa nan volonte Bondye.

Menm le sa mande pou yo konpwomi sou moralite ki te che a yo menm a yon pwen. Yon konsevwa adrese sitiyasyon ki prezante-a selon pwop kapasite pa yo pou yo fe yon bagay ki ka ede yo kounyeya menm olye pou yo fe Bondye konfyans k’ap mande fe yon sakrifis ki p’ap vrenan tonbe nan lojik moun sa konsevwa pwoblem ki prezante-a.

Sa vin kreye yon fom vi kote moun sa yo vin pa gen okenn kapasite pou yo depann sou Bondye anko paske vi yo vin ap mennen akoz desizyon sa yo vin mete yo an konfli ak Pawol Bondye-a. Vi sa vin separe yo ak volonte Bondye. Anpil fwa, se teste Bondye ap teste fidelite yo.

————————————

Kesyon

How am I going to feel after doing that?

How am I going to deal with the massive guilt, shame, and regret that I will have to go through?

Will that few moment of pleasure be worth it?

Is that sin in line with my identity in Christ?

————————————

Note: Etid sa demontre nan ki dimansyon ke lom lan dwe depann sou Bondye atrave vi l’ap mennen.

M’ dwe rekonet enkapasite nanm lan paske Bondye pa-t’ kreye pou-l’ te fonksyone endepandan de espri-a ki kote Bondye demere nan lavi lom lan.

Sajes, konpreyansyon, entelijans, ak konesans nanm lan pa sifi pou ede lom lan mennen yon vi spirityel ki fe Bondye plezi.