Bondye pa rele-w’ pou ap gade mach oubyen relasyon-w’ ave-L’ an fonksyon dezi lache k’ap manifeste nan ou ki gen tan konvenk ou mennen yon vi sen pa posib.

Li pa vle pou ap gade oubyen evalye merit vi sen ke-L’ komande-w’ viv la atrave pespektif dezi lache sa yo ki fe-w’ santi ke-w’ gen yon devwa pou-w’ satisfe yo pandan ke yo se yon enmi vi sen sa. 

Dezi lache sa yo pa fe lot anyen ke reprezante kom yon obstak ki pral anpeche-w’ konprann nan ki dimansyon glwa Bondye ka manifeste nan lavi-w’.

Satan atrave dezi sa yo ap kenbe-w’ nan yon dimansyon esklavaj yon fason pou-w’ pa janm fe eksperyans ak vre libete ki genyen le-w’ ap mennen yon vi pwop devan Bondye.

Le ou fin asepte Kris kom sove pesonel ou, Bondye pa gade-w’ selon eta ke-w’ te konn ap viv avan, men-L’ gade-w’ atrave Kris. Sa rann ke nan je Bondye, ou se yon lot moun.

Egzistans ou kom yon nouvo kreyati komanse atrave espri-w’ ki rejenere nan moman sa. Men transfomasyon sa ki komanse nan espri-w’ dwe anvayi tout lavi-w’ yon fason pou-l’ ekraze mantalite ansyen vi sa. Se rezon sa menm Li ba-w’ Sent Espri-a.

Ebyen, se menm jan tou le-w’ ap gade vi-w’ konsenan nouvo vi sa ke-w’ resevwa an Kris, ou pa dwe gade-l’ nan konteks ansyen vi defet, vi imoral, ak vi esklavaj sa ke-w’ te konn ap mennen-an.

Ou pa dwe ap gade vi sen sa nan sans ke bagay yo te pi bel pou ou le-w’ te nan lemond paske-w’ te gen kont libete-w’ pou-w’ te fe sa-w’ vle ki te youn nan koz ki te fe-w’ kwe ke mennen vi Kretyen-an li enposib, men gade-l’ selon travay ke Bondye komanse fe nan lavi-w’ ak sa ke-l’ vle kontinye fe nan lavi-w’.

Sa Bondye komanse-a, Li gen tout dezi pou-L’ fini-l’, men-L’ vle pou-w’ konfome mantalite-w’ selon Pawol Li. Yon mantalite ki pemet ou konprann vi Kretyen-an se pa yon vi ke-w’ pral mennen-l’ selon pwop kapasite-w’, men se pwisans Bondye ki pral travay nan lavi-w’ pou pemet vi sa kapab materyalize. Kidonk, Li vle pou-w’ soumet volonte-w’ a Li menm.

Le-w’ abode vi Kretyen-an nan pespektif sa, ou pa bezwen ap enkyete konsenan sa-w’ te konn fe ou p’ap ka fe anko, ou pa bezwen gen okenn regret pou libete ke-w’ te konn genyen pou-w’ te fe sa-w’ vle, le-w’ vle, al kote-w’ vle ke-w’ p’ap ka genyen anko paske vi-w’ anba kontwol Bondye.

Vre satisfaksyon nan lavi pa soti nan ap chache satisfe dezi lache kontinyelman, li soti nan Bondye ki kreye-w’ nan imaj li ki konn tout sa-k’ bon pou ou. Li soti nan kwe ke Kris sifi pou ou. Paske se Jezi sel ki ka bay nanm ou satisfaksyon ke dwog, alkol, imoralite seksyel, vi banboch, ak tout lot plezi ke mond sa te ka ba ofri-w’.

Tout vi oubyen pratik ki pa deyo volonte bay yon fo satisfaksyon. Yo selman bay yon soulajman taporeman oubyen plezi pou yon moman, men se yon vi esklavaj ki toujou mache ak pratik sa yo. Alafen, se yon swafte ke yo kreye pou-w’ kontinye ap fe menm bagay la.

Tout sa ke yon moun ap fe, ap chache, oubyen ap eseye akonpli pa deyo volonte Bondye pa gen okenn vale nan je-L’ ni nan vi sa, ni nan vi ki gen pou vini-an 

Pa deyo volonte Bondye pa vle di selman fe yon bagay ke-L’ pa vle-w’ fe oubyen pa fe yon bagay ke-L’ vle-w’ fe. Paske esans pa deyo volonte Bondye vle di fe yon bagay oubyen ap chache yon seri bagay ke Bondye pa-t’ kreye-w’ pou te depann sou yo.

Sa ou ap chache-a, sa-w’ santi ke-w’ pa ka viv san li-a pa an amoni ak fabrik ki konstitiye sa ke-w’ ye kom moun ki kreye nan imaj Bondye. Se rezon sa vin mete-w’ an konfli ak Kreyate-w’.

Depandans ke-w’ vin devlope sou plezi peche ou ap rejwi pa ka ranplase depandans ke Bondye te kreye-w’ pou-w’ te gen sou Li menm ki se vre satisfaksyon-w’.

Vi Kretyen-an se yon vi kote satisfaksyon Bondye dwe satisfaksyon-w’. Plezi Bondye dwe plezi-w’. Tout sa ke Bondye pa pran plezi ladan-l’, ou pa ka ap vare ladan-l’ pou al pran plezi-w’.

Ou pa ka ap dezire plezi ke Bondye pa vle pou ap dezire.

Satan toujou kenbe panse moun k’ap viv nan peche okipe ak sa ke yo gen plan pou y’al fe ki rann yo pa ka fe sa ke Bondye vle pou yo fe kounyeya. Gen yon bagay ke y’ap chache ke yo p’ap ka janm jwenn li vre. Gen yon destinasyon ke yo vle atenn ki pa egziste paske pa gen satisfaksyon nan peche.

Mantalite Lom Chanel

Pou lom chanel la, pou-l’ ka jere dezi sa yo, li santi ke fok li soumet li a yo menm nan kelkeswa direksyon ke y’ap mennen-l’. Fo-l’ met tet li nan yon pozisyon kote-l’ ka non selman aji sou, men pou-l’ ka fe sa ide-l’ di-l’ pou-l’ fe. Pou li menm se sa-k’ jwi lavi-a.

Panse lom lan fikse sou yon sel bagay, fok li satisfe dezi sa yo kanmenm ki vin kreye yon depandans total ki rann li kwe ke-l’ pa ka viv san yo.

Sa rann lom chanel la we vi Kretyen ak tout egzijans li yo pa fet pou li. Nan mantalite-l’, li poko ka we fason-l’ ka mennen yon vi ki mande-l’ pou-l’ sakrifye tout sa-l’ renmen ki pa nan volonte Bondye.

Plan Bondye

Plan Bondye se dezi Sent Espri-L’ ki nan ou ki dwe domine lavi-w’. Dezi lache sa yo vin san kontwol nan degre se yo k’ap kontwole vi lom. Se yo menm ki vin fasone mantalite-l’. Se pa-t’ janm plan Bondye pou sa te konsa atrave premye lom ke-L’ te fome atrave imaj Li.

Se peche ki vin rantre nan mond lan ki kreye pwoblem sa. Pou Bondye konfronte pwoblem nati peche sa ki se sous tout dezi lache, Li te voye Kris pou ofri yon sakrifis pou pemet lom lan gen kapasite nan li pou-l’ reziste ak dezi sa yo k’ap pote anpil ale.

Solisyon Satan ofri-w’ atrave dezi lache sa yo se jis livre ko-w’ ba yo. Pa gen rezon pou-w’ ap reziste yo. Pa gen rezon pou ap sakrifye yon seri plezi ki ka fe-w’ santi-w’ byen pou yon monan. Se solisyon sa ki plis fe sans nan je lom.

Men Bondye gen solisyon pa-L’ pou dezi sa yo. Solisyon-an, Li ba-w’ Sakrifis Kris la ki rann li posib pou-w’ pote viktwa sou Satan, lemond, peche, ak lache. Anplis, Li ba-w’ Sent Espri-L’ ki vin demere nan lavi-w’ pou konbat anfave-w’ dezi sa yo k’ap manifeste.

Ou pa ka satisfe tet ou ak anyen ki pa deyo volonte Bondye. Ou pa ka satisfe tet ou ak anyen ke Bondye pa-t’ kreye pou-w’ satisfe tet ou. Tout bagay ki paret bel, atiran nan je-w’, tout bagay ki fe-w’ santi gen anpil plezi ladan-l’ ki kont volonte Bondye pou lavi-w’, tout se pyej dyab la.

Li pa fe Bondye plezi menm le-w’ kontinye ap mennen yon vi ki non selman pa fe-L’ plezi, men ke Pitit Li Jezi Kris te peye che pou-L’ rann li posib pou-w’ sispann mennen vi sa. Jezi peye pou libete-w’ pandan-w’ kontinye ap mete tet ou nan esklavaj.

Panse ak jen ki poko ka fe levanjil.

Pwiske se sa-m’ dwe fe, vi Kretyen-an p’ap pemet mwen fe sa m’ap fe-a, pito-m’ ret jan-m’ ye-a.