Se paske yo mare ni nan pase, ni nan prezan, ak ni nan fiti ki se 3 gran eleman ki defini tan.

Koman? Men koneksyon-an, eksperyans ke yo te gen tan fe deja nan pase vin kreye yon memwa k’ toujou ap eksite pou yo kontinye al fe menm sa-a yo te gen tan fe deja yon fason pou yo rekreye menm eksperyans sa yo yon fason pou yo rerejwi menm nivo plezi yo te konn rejwi atrave sa yo te konn fe.

Atrave prezan, yo antrave oubyen mare pwop fiti yo ak menm vi sa-a. Yo vin gen yon atachman ap pwop fiti yo atrave entansyon ak planifikasyon pou yo kontinye mennen menm vi-a.

Koman? Yo fe sa-a atrave pouvwa oubyen kapasite imajinasyon yo. Se sel kapasite ki pemet ou vizite fiti-w’ pandan ke w’ap viv nan prezan.

Ebyen atrave imajinasyon yo, moun sa yo mete an operasyon yon pwisans ki pral pouse yo pou yo fe tout sa ke yo te gen tan planifye oubyen pwograme tet yo pou yo fe nan prezan.

Se sa-k’ fe depi lom lan te gen tan fikse panse-l’ sou yon bagay li renmen ke-l’ gen entansyon pou-l’ fe a yon pwen nan fiti-a, li pa fasil ditou pou-l’ chanje ide-l’. Kidonk, li pa fasil pou-l’ pran yon desizyon pou-l’ jis abandone sa-l’ te gen nan tet li pou-l’ fe.

Anpil fwa, moun lan telman gen yon deteminasyon pou-l’ fe sa ke-l’ gen entansyon fe nan tan oubyen moman ke-l’ gen ide fe sa-a, moun sa-a p’ap chanje entansyon-l’ pou ou.

Moun lan pran yon deteminasyon kelkeswa jan sa ye, fok li fe-l’ kanmen. Se tankou si moun sa-a pa akonpli objektif li, l’ap pedi 3/4 nan vi-l’.

Se rezon ki fe menm le ke moun ap tande levanjil, yo paka fe yon desizyon pou yo repanti paske yo antrave fiti yo ak movez dispozisyon ke yo gen anve vi peche y’ap mennen-an.

Levanjil ap fe apel pou yo repanti, men imajinasyon yo ki sal oubyen kowonpi ak tout kalite vye ide ap enfliyanse pou yo pa bay vale ak mesaj k’ap preche-a paske mesaj sa la pou-l’ anpeche yo fe sa yo vle ki baze sou movez entansyon k’ nan tet yo.

Tout sa ke yo gen entansyon fe nan fiti yo vin reprezante yon obstak pou yo repanti. Si yo gen yon ide fe yon desizyon, yo oblije retade-l’ jis apre yo fin fe tout sa ke yon gen pou yo fe.

Sa tou vin bay dyab la yon otorite sou pwop fiti yo pou-l’ kenbe yo an kaptivite. Dyab la non selman gen dominyon sou yo atrave pase yo, prezan yo, menm sou fiti yo dyab la vin gen otorite pou-l’ egzese dominyon. Yo sanse remet fiti yo nan men dyab la atrave rebelyon, neglijans, inyorans, ak rezistans yo anve levanjil.

Konsa tou, gen anpil moun k’ap viv ki pa gen okenn entansyon ditou pou yo repanti. Pou yo menm sa ki enpotan se vi sa-a, se fe si ke yo byen viv li. Kesyon bay vi yo a Kris pa gen okenn priyorite pou yo menm.

Pwiske n’ap viv nan tan, nou lye pa tan n’ap viv la, tout sa n’ap fe koresponn ak tan. Repantans baze souv twa gran eleman ki kopoze tan: pase, prezan, ak fiti.

Repantans baze sou yon chwa nan prezan pou abandone tout sa ke-w’ te konn fe nan pase-w’. Pwiske ou chwazi pou abandone sa-w’ te konn fe, ebyen chwa sa-a vin pemet ou pran yon desizyon pou-w’ elimine tout planifikasyon ke-w’ te gen nan entansyon pou-w’ te kontinye ap mennen menm vi sa-a nan fiti-w’.

Repantans baze sou chanje vi-w’, mantalite-w’, entansyon-w’, santiman-w’ ki pral pemet ou pran yon desizyon pou abandone tout bagay ki reprezante yon gwo obstak pou livre vi-w’ totalman ak Bondye.

Moun ki pa vle repanti panse yo toujou fikse sou sa ke yo gen entansyon fe nan fiti yo se tankou fiti-a se pou yo-l’ ye. Le yo sanse rive nan moman pou yo aji sou sa-k’ nan entansyon yo, sa-k’ vin gen priyorite se kounyeya.

Ebyen, Satan toujou kenbe panse moun sa yo okipe ak vi rebel y’ap mennen-an. Se moun yo ki toujou ap planifye sa yo pral fe.

Si y’ap tande yon mesaj nan prezan k’ap di yo pou yo chanje vi yo, menm le mesaj la gen dwa deranje yo. Men si yo pa gen entansyon repanti, yo p’ap janm kite mesaj la retire fokis yo sou sa yo gen nan entansyon yo pou yo fe.

Yo gen tan pwograme oubyen planifye tout sa yo pral fe, moun sa yo p’ap kite anyen sevi yo kom anpechman. Sa ki plis domine panse moun sa yo se sa yo gen entansyon al fe.

Obstak Pou Repantans

Gen yon eksperyans ke-m’ vle fe ke-m’ poko fe. Gen yon bagay ke m’ap chache ke-m’ poko jwenn li.

Gen yon satisfaksyon m’ vle rejwi ke-m’ poko rejwi-l’ toujou. M’ gen yon denye eksperyans, fok mwen fin fe-l’ avan-m’ ka fe yon desizyon oubyen si pou-m’ fe yon desizyon.

M’ poko fin akonpli tout sa ke-m’ vle pou-m’ akonpli atrave vi sa. M’ poko fin byen rejwi kantite plezi m’ vle rejwi nan mond sa.

Kidonk, m’ poko ka fe yon desizyon pou-m’ kite sa m’ap fe-a toutotan m’ poko jwenn sa m’ap chache-a, toutotan m’ poko fin fe tout sa-m’ gen nan ide-m’ pou-m’ fe-a.

Sa vle di ou rete ap drive ko-w’ nan peche pandan chak jou ap apwoche ve letenite. Non selman ou ap gaspiye tan-w’, ou ap gaspiye letenite-w’.

Chak tan ke-w’ pran-l’ ou gaspiye-l’ nan vi rebel ou ap mennen-an, se yon opotinite ke-w’ pedi pou-w’ ta fe yon bagay spirityel ki t’ap pwodwi yon benediksyon etenel.

Moun lan redwi oubyen limite yon desizyon enpotan ke-l’ gen pou-l’ fe a yon eksperyans ke-l’ poko fe pandan ke moun lan fe konbyen ane ap fe menm bagay la.

Moun lan enpoze yon defi sou tet li nan sans ke fok li travese etap ke panse-l’ baze sou li-a avan.

Se komsi otomatikman-l’ fin fe tout sa-l’ gen pou-l’ fe, l’ap santi-l’ pare kounyeya menm pou-l’ fe levanjil.

Sa K’ap Pase Nan Panse Moun

Si-m’ fe yon desizyon kounyeya, l’ p’ap bon pou mwen menm. Paske sa pou-m’ fe-a, fok mwen fe-l’. Fok mwen ta fin fe-l’ avan. Kidonk, m’ pa ka jis lage sa m’ap fe-a konsa.

O mwen fo-m’ ta fin fe ti res semen lan, mwa, ane-a. Apre ma fe yon desizyon. Pou moman m’ poko santi-m’ ka fe yon desizyon menm.

M’ poko santi-m’ pre menm akoz ke-m’ gen bagay sou ajanda-m’ toujou ke-m’ poko fin akonpli. Vi sa se ladann m’ pran ti plezi-m’ detanzantan, m’ poko we mwen menm ki pral abandone-l’ konsa.

Sa-m’ planifye-a, sa ke panse-m’ gen tan konsantre sou li-a, fo-m’ ta fin fe-l’.

Malgre ke-m’ konnen m’ p’ap jwenn anyen vre nan eksperyans sa ki diferan ak sa-m’ konn jwenn deja, men fo-m’ fe yon ti tan ap tann toujou pou-m’ we koman sa ap ye.

Eksperyans ke-m’ vize-a, fo-m’ we sa-k’ gen deye-l’ avan. Le-m’ fin we sa-k’ gen deye, m’ap we si ma fe yon desizyon.

(Desizyon-an pa garanti paske sa pral depann antyeman sou fason sa ye).

Koz Ki Rann Lom Poko Ka Kite Peche

Gen yon bagay m’ap tann. Gen yon bagay m’ap chache. Fo-m’ fe yon ti tan toujou. M’ vle pran yon ti plezi toujou.

Obstak: Sa yo gen entansyon fe, sa y’ap panse al fe vin tounen yon baraj.

Sa-m’ panse bezwen-an menm le ke-m’ ta jwenn li, m’ pa t’ap satisfe vre. Olye, se reyalize ke-m’ pral reyalize ke-m’ bezwen plis toujou.

Sa w’ap fe tout tan ou ap chache-a le-w’ panse-w’ ta rive nan destinasyon ou t’ap eseye atenn lan, se le sa ou vin reyalize ke ou pa jwenn li jan-w’ te dezire-l’ la akoz dezi, sansasyon, ak emosyon toujou chanje.

Repantans Ak Konvesyon

Repantans

Anpil moun konprann ke repantans vle di “kite peche”, ak gen yon regrè oubyen remò pou peche ke yon moun te komèt.

Men sinyifikasyon sa pa ekzakteman sa mo sa vle di. Nan Bib la, mo repanti vle di “chanje panse”. Men Bib la vle di ke vrè repantans ap pote chanjman nan aksyon yon moun. Kidonk, kite peche se yon rezilta vrè repantans.

Men sa pou sa fèt, fòk gen yon chanjman ki dwe fèt nan mantalite moun sa. Paske Bib la di ke fason ke yon moun panse, se sa-l’ ye. Sa-k’ fè yon moun sa-l’ ye-a, se fason ke-l’ panse.

Definisyon Biblik ki total konsènan repantans vle di chanje panse-w’ yon fason k’ap pwodwi yon chanjman nan konpòtman-w’, atitid ou, ak aksyon-w’.

Konvèti

Chanje de yon fòm, karaktè, oubyen fonksyon a yon lòt. Kidonk, yon moun ki konvèti dwe fè eksperyans ak chanjman nan lavi-l’. Se menm jan lè-w’ pran lò ak dyaman, jan yo bèl aprè yon fin rafine yo, se pa konsa yo te ye nan eta “brute” yo te ye-a.

Yo te kouvri ak salte, labou, ak ti wòch. Menm lò-a toujou egziste, men sou yon lòt fòm.

Kesyon

1) Konbyen tan ou gen pou-w’ fe ap chache sa ou ap chache-a avan-w’ jwenn li?

2) Depi dat ou ap viv nan peche sa, ou poko fin rasazye toujou?

M’ poko ka fe desizyon sa, m’ poko santi-m’ pare paske…

Fokis ou santre plis sou yon bagay ke-w’ konvenk ke-w’ poko genyen-l’ pandan ke ou p’ap janm jwenn li vre pase pou ou fokis sou lavi etenel ke Bondye ap ofri-w’ an Jezi.

Pil eksperyans peche oubyen plezi lache sa yo se yo ki vin anpile nan panse lom lan ki bloke panse-l’ nan yon degre ki rann li vin san kapasite pou-l’ panse byen spirityelman.

Menm jan Bondye p’ap asepte eskiz nan men peson le yo chwazi pou yo livre tet yo nan peche, se konsa tou Li vle ede-w’ si-w’ dako pou-w’ sispann anbrase oubyen depann sou preteks ke-w’ konsidere kom rezon valid ki fe-w’ santi fo-w’ fe peche-a kanmenm.

——————- Note ——————-

Brize tout vye koneksyon ak atachman ki mare lòm lan ni nan pase-l’, ak fiti-l’ k’ap domine panse-l’ nan prezan.

Tre enpotan: Senye, m’ paka fose noun konveti. Men-m’ ka atake ak demoli tout vye obstak spirityel ki anpeche yo repanti. M’ pase maladi, m’ konn remed.

Atake rezon ki fe moun paka bay lavi yo a Kris. Rezon k’ap peze moun nan vi peche y’ap mennen. Rezon ki kanpe kom yon barye ki toujou bloke lom lan pou-l’ fe yon desizyon. Barye sa ki bare moun lan dwe tonbe.

Espri k’ap manifeste yon santiman chen ak kochon lakay moun

Note

Learning to embrace the possibilities of each day and then being committed to making the most of those possibilities can be learned. Most spend too much time either in the past or the future in the attempt to flee from the present moment. (People resisting the Gospel)

A person’s whole life is nothing but a succession of moment after moment. If we can become more conscious of this, we then realize there are no insignificant moments.

http://ministry-strategies.org/ideas/book-ideas/