Bondye kreye lòm lan pou pwòp glwa-L’. Lòm kòm yon ekspresyon, kòm yon demonstrasyon, kòm yon pwodwi glwa oubyen grandè Bondye gen yon responsabilite fondamantal anvè Kreyatè-l’ ki defini egzistans li ki se glorifye Bondye atravè yon vi obeyisans.

Yon vi obeyisans se esans sentete ki se manifestasyon glwa Bondye (Ezayi 6:3).

Tout egzistans lòm lan defini pa yon sèl objetif ki se misyon-l’ ki se rann glwa ke Kreyatè-a sèl merite ki pèmèt li egziste atravè yon vi obeyisans ki pral rann glwa Bondye ki se esans egzistans lòm lan manifeste ak demere nan lavi-l’.

Malerezman, lòm lan pèdi dezi pou-l’ egzèse responsabilite sa atravè rebelyon. Dezi lòm vin fikse sou lòt bagay ki pa reflete glwa Bondye. Lòm vin dekonekte ak reyalite ki gen pou-l’ wè ak rezon ke-l’ egziste. Kidonk, li pèdi sans priyorite-l’.

Se dezi sa ke Bondye vle restore nan lavi lòm lan. Tout aktivite spirityèl ke ou ap fè tankou priye, jene, li ak medite sou Pawòl la, tande pwoklamasyon Pawòl la, pase tan nan adorasyon, chache prezans Bondye, tout se pou yon sèl objektif ki se pou ekipe-w’ oubyen mete nan kondisyon pou-w’ obeyi Bondye.

Pou-m’ byen defini objektif ministè-m’ egzije-m’ fò-m’ ale pi lwen ke egzistans lòm lan. Fò-m’ ale nan yon dimansyon ki transande egzistans lòm lan.

Anplis, fò-m’ ale depi nan letènite kote Bondye te planifye egzistans lòm lan kòm yon kreyati ke-L’ te gen pou-L’ kreye nan imaj Li.

Kidonk, misyon-m’ se pou-m’ ekipe lòm lan pou-l’ rekonekte-l’ ak esans egzistans li.

Objektif mwen se montre lòm lan kòman pou-l’ glorifye Kreyatè-l’ atravè yon vi obeyisans malgre peche ki prezante kòm yon obstak ki bare-l’.

Sa vin repoze sou montre lòm lan kòman-l’ kapab satisfè dezi peche ki nan li ki kreye yon swafte anvè yon bagay, yon satisfaksyon, yon plèzi ki deyò volonte Bondye. Swafte lòm lan dwe satisfè ak prezans ak pwisans Bondye.

Se montre lom lan koman pou-l’ jwenn satisfaksyon-l’, konfo-l’, ak asirans li nan sa ke Pawol Bondye-a di olye de vye plezi peche.

Glwa, glwa, glwa Bondye.

Kidonk, objektif prensipal yon moun nan ministè se montre lòm lan ki pèdi koneksyon-l’ ak Bondye kòman pou-l’ rive konekte vi-l’ ak esans egzistans li ki se glorifye Bondye.

Pou sa fèt fòk gen yon chanjman ki dwe fèt nan fason lòm lan panse ki pwograme yon fason ki kont koz egzistans li.

Gen yon atmosfè tenèb ki anvlope lavi lòm lan. Sa kenbe lom lan nan yon dimansyon ere kote-l’ pa ka reyalize ke sa Bondye mande-l’ pou-l’ fe-a posib.

Sa rann lòm lan vin ap mennen yon vi ki se yon ekspresyon dekoneksyon-l’ ak rezon ke-l’ egziste. Kidonk, lòm lan ap viv yon fason ki destriktif ak rezon ke-l’ egziste.

Nan ka sa, lòm lan pa ka obeyi Bondye si panse-l’ oubyen mantalite-l’ pa dwat.

Objektif yon moun nan ministè se montre lòm lan panse oubyen konfòme panse-l’ selon pèspektif Bondye. Montre lòm lan kòman pou-l’ devlope mantalite ak karaktè Bondye.

Kòman pou-l’ gade reyalite lavi-l’ selon pwòp pèspektif Bondye. Kòman pou-l’ gade responsabilite ke Bondye enpoze sou li jan Bondye vle pou-l’ gade-l’ olye pou-l’ fè sa selon sa-k’ fè sans a li menm ki gen pou wè ak reyalite sistèm mond sa ki baze sou desepsyon Satan k’ap bonbade panse lòm.

Se montre lòm lan pou-l’ sispann depann sou fason-l’ panse ki an konfli ak fason Bondye panse Li menm ki vin rann lòm lan pa ka janm konprann oubyen sezi enpòtans kòmandman Bondye yo.

Lom lan toujou gen pwop opinyon, pespektif, ak kwayans pa-l’ ki fasone pa Satan anve sa ke Bondye komande-l’ pou-l’ fe.

Lè Bondye di-l’ fè yon bagay pou-l’ pa kite difikilte ki asosye ak sa Bondye di-l’ fè-a vin sèvi-l’ kòm yon baraj ki anpeche-l’ fè sa Bondye mande-l’ fè-a.

Satan kenbe lòm lan an kaptivite atravè fason ke-l’ panse. Pwisans Satan pou-l’ kenbe lòm lan an esklavaj oubyen pou-l’ avegle-l’ manifeste nan lavi lòm lan atravè mantalite-l’.

Depi Satan gen kontwòl fason yon moun panse, l’ap domine moun sa paske Bib la di sa-k’ fè moun lan sa-l’ ye-a se fason ke-l’ panse. Idantite yon moun defini pa fason ke-l’ panse.

Tout sa ke lòm lan ap fè gen yon enpak ke-l’ fè sou fason-l’ panse. Mantalite lòm ki pa konn Bondye-a vin tounen yon kokenchenn obstak ki anpeche-l’ fè volonte Bondye.

Mantalite-l’ ki a lanvè rann gen yon tandans pou-l’ toujou wè volonte Bondye pou lavi-l’ nan yon move sans.

Paske bagay k’ap fasone oubyen enfliyanse mantalite-l’ an konfli ak Pawòl Bondye-a. Bagay sa yo k’ap kontwole lavi-l’ se yon seri bagay ke-l’ gen yon atachman pwofon ak yo.

Pwoblèm Satisfaksyon Lòm

Pwiske Bondye kreye lom pou pwop glwa-L’, egzistans lom lan baze sou yon sel koz ki se glorifye Kreyate-a. Se sa ki se sous tout satisfaksyon-l’.

Sel fason lom lan ka akonpli objektif ak misyon egzistans li, sel fason lom lan ka jwenn vre satisfaksyon-l’ se le-l’ fikse je-l’ sou glwa Bondye atrave yon vi obeyisans.

Lom lan gen yon devwa pou-l’ amonize lavi-l’ ak rezon li egziste. Men se pa sa-k’ te rive fet, lom lan chwazi fikse je-l’ sou bagay ki pa deyo volonte Bondye ki pa reflete glwa Bondye deye yon lot fom satisfaksyon.

Vin gen yon gran dezako ant vi Bondye vle pou lom lan mennen ak vi lom lan chwazi pou-l’ mennen selon pwop volonte-l’.

Lòm Chanèl Pa Konprann Bagay Spirityèl

Lòm chanel la pa gen okenn kapasite nan li pou-l’ rive konprann oubyen sezi yon mesaj ki konekte a yon lòt dimansyon reyalite ki an konfli ak reyalite sistem mond sa selon li menm ke l’ap viv chak jou ki fe sans a li menm.

Mesaj levanjil la ap evolye nan yon dimansyon spirityel ke lom chanel la an dezako ave-l’ pandan ke l’ap opere nan yon dimansyon mantal ak fizik.

Reyalite sistem mond sa sanse an amoni ak tout vye dezi k’ap enfliyanse lom lan. 

Reyalite sistem mond sa se jis yon manifestasyon tout movez dezi ki nan lom lan k’ap enfliyanse tout kalite rebelyon kont Bondye.

Y’ap viv nan yon dimansyon reyalite ki enferye a dimansyon reyalite levanjil la. Rezon ki fe lom lan bezwen levanjil se paske-l’ p’ap viv nan dimansyon ke Bondye te kreye-l’ pou-l’ viv.

L’ap viv nan yon dimansyon ki pi ba, pi enferye konpare ak dimansyon orijinel li. Kidonk, levanjil la ap evolye nan yon lot dimansyon ki non selman depase konpreyansyon lom lan, men li depase egzistans li tou.

Pwiske konpreyansyon lom chanel la ap evolye oubyen opere nan yon dimansyon ki rann li pa kabab konprann bagay spirityel, se Lespri Bondye sel ki ka elve konpreyansyon lòm lan nan yon nivo pou-l’ ka rive konprann objektif mesaj sa.

Lom ki pa konn Kris gen yon teneb inyorans, endiferans, ak neglijans ki anvlope vi yo. Yo p’ap janm ka vreman sezi nati ijans mesaj sa selon yo menm akoz preyokipasyon yo nan vi peche y’ap mennen-an.

Se sel Lespri Bondye ki ka retire yo nan sitiyasyon sa yo ye-a. Se Lespri Bondye ki gen kapasite pou-L’ fe mesaj levanjil la fe sans a lom.

2 Gwo Pwoblem Nan Tande Mesaj Levanjil La

Anplis, nan tande mesaj levanjil la, gen yon pwoblem dispozisyon ak resepsyon ki kreye yon gwo obstak pou anpil moun vin jwenn Kris.

Kidonk, dispozisyon anpil moun gen tan anpwazone ak movez entansyon konsenan vi y’ap mennen ansanm ak tout lot entansyon konsenan sa yo pral fe nan jou, mwa, ak ane k’ap vini yo selon vi y’ap mennen-an.

Sa vin rann ke yo pa ka resevwa mesaj sa. Gen yon travay ke Lespri Bondye dwe fe pou-L’ brize obstak sa yo ki kreye yon blokaj kont mesaj levanjil la.

Dimansyon l’ap viv la ki enkane nan fason ke-l’ panse p’ap pemet li janm an mezi pou-l’ rive konprann miste levanjil la tout bon vre.

Li gen yon miraj ke Satan bati nan panse-l’ an fonksyon vi l’ap mennen-an ki kreye yon mantalite ak pil movez kwayans ki sevi kom yon obstak k’ap bloke enpak mesaj sa.

Le y’ap eseye gade oubyen konprann enpotans levanjil, yo eseye fe sa atrave vwal avegleman sa ki manifeste oubyen vlope panse yo ki se mantalite k’ap domine vi yo. Se rezon sa levanjil p’ap janm ka fe sans a yo menm vre.

Anpil fwa, yo konsidere mesaj levanjil la kom yon nwizans oubyen kom yon menas pou libete yo anve vi y’ap mennen. Kidonk, lom lan vin pa gen yon apresiyasyon pou moun k’ap evanjelize yo.

Pou yo menm se anyen serye ke moun sa yo pa gen pou yo regle ak tan yo. Se tan moun sa yo ap pedi telman yon santi yo alez nan eta y’ap viv la.

Inyorans sa rann lom lan gen yon animosite non selman kont mesaj levanjil la, men kont sila yo k’ap pwoklame mesaj sa.

Lom lan telman egare, yon mesaj ke-l’ pi bezwen vin paret kom yon bagay ki pa nan entere-l’ menm.

Sa-k’ nan ide yo ki anvlope ak vi y’ap mennen-an p’ap pemet yo nan yon dispozisyon pou yo resevwa mesaj levanjil la.

Panse yo sanse okipe pa vi y’ap mennen-an tankou sa yo te fe deja, sa y’ap fe kounyeya, ak sa yo planifye pou yo al fe.

Gen yon travay ki gen pou fet pa pwisans Bondye o nivo penetre, chire, ak brile vwal avegleman sa ki bouche, bloke, ak vwale panse lòm lan ki rann li pa ka gade pi lwen ke dimansyon teneb l’ap viv la.

Mantalite lom pwograme nan yon sans ki kontre ak levanjil. Reyaksyon imedya oubyen otomatik lom lan se reziste, inyore, oubyen rejte mesaj sa.

Objektif mesaj levanjil la se pou-l’ chanje vye mantalite sa. Mesaj levanjil lan la pou-l’ defet tout bagay ke lom lan renmen ki pa gen plas yo nan vi-l’. Tout bagay ki pa reprezannte glwa Bondye k’ap briye atrave mesaj sa.

Kidonk, animosite sa ki gen ant levanjil ak tandans lom gen pou-l’ we ak reyalite ke sa lom lan vle fe, plezi ke-l’ vle rejwi, fason ke-l’ vle viv se yo menm ke levanjil kanpe kont yo.

Se yo menm ke levanjil ap kondane. Se yo menm tou ke levanjil ap egzije-l’ pou-l’ kite yon fason pou jijman Bondye pa tonbe sou li.

Sa lom lan deja asepte kom bagay ki nomal, pratik peche ke lom lan gen tan konfotab ladan yo, se yo menm ke levanjil ap ekspoze kom bagay ki pa nomal, ki imoral, ak inaseptab devan Bondye.

Objektif mesaj levanjil la se pou libere lom lan de tout sa l’ap fe ki kont volonte Bondye ki pa reflete glwa-L’ ki kenbe lom lan an kaptivite.

Mantalite rebel sa bay lom lan yon tandans pou-l’ reziste levanjil paske gen yon bagay ke-l’ atache ak li ke fason-l’ panse konvenk li ke-l’ pa ka abandone-l’ konsa.

Gen yon bagay ke lom lan santi-l’ bezwen pou-l’ viv se nan vi l’ap mennen-an ke-l’ ka jwenn li selman. Satisfaksyon lom lan ki ta dwe baze sou glwa Bondye k’ap manifeste nan lavi-l’ vin baze sou peche.

Anplis, rezon ki fe lom lan pa enterese fe levanjil se paske plezi pou yon moman ke yo bezwen se pa li levanjil la ap ofri yo 

Lom lan rive konvenk ke swafte sa ke-l’ gen nan li-a se nan pratik peche sa selman-l’ ka jwenn li.

Mantalite lom lan vin sevi kom yon prizon pou li. Lom lan vin tounen prizonye pwop mantalite-l’. Dyab la domine oubyen avegle-l’ atrave pwop fason-l’ panse. Li telman avegle, vi l’ap mennen-an se li-l’ santi ki bon pou li.

Menm si gen yon bagay mal ki rive-l’ akoz movez vi l’ap mennen, li p’ap ka konsanti ke se paske-l’ t’ap viv deyo volonte Bondye. Kidonk, fo-l’ chanje direksyon lavi-l’. L’ap plis we sa nan sans yon ensidan ki te ka rive nenpot moun.

Li selman ka panse yon fason ki reflete vi esklavaj sa l’ap mennen k’ap pouse-l’ pou-l’ kontinye ap pouswiv menm dezi k’ap anchene nanm li.

Li vin pa gen kapasite pou-l’ pesevwa yon reyalite ki pa an ako ak sa-k’ nan mantalite-l’.

Lom lan pa ka gade pi lwen ke mantalite k’ap gouvene panse-l’ pou-l’ we li menm k’ap mennen yon vi sen.

Panse Lom Chanel La Bone

Lom lan ki pa konn Kris se yon prizonye pwop fason-l’ panse. Li sanse esklav pwop mantalite-l’.

Panse-l’ bone pa eta pedisyon ke l’ap viv la. Li pa ka panse nan yon degre ki depase limit mantalite-l’.

L’ap fonksyone nan yon dimansyon teneb, pespektif li sanse domine pa atmosfe teneb sa l’ap viv.

Pwiske reyalite spirityel la depase mantalite sa k’ap domine panse-l’, li pa ka konprann ak sezi reyalite sa atrave mantalite-l’ ki deja bone.

Li pa gen okenn kapasite nan li pou-l’ franchi limit sa ki bone panse-l’ yon fason pou-l’ vreman konprann ak sezi bagay spirityel jan Bondye vle-l’ la.

Pwiske fason lom lan panse detemine idante-l’, fason ki pi efikas Satan kenbe lom lan an kaptivite se atrave fason-l’ panse.

Pwiske fason-l’ panse bone, li selman ka konprann tout sa pou-l’ konprann selon limitasyon sa k’ap kontwole panse-l’.

Satan enplante yon seri vye mantalite ak kwayans ki gen kom baz yo nati peche sa ki nan lom lan.

Yo vin tounen pwogram k’ap deside oubyen detemine fason lom lan dwe mennen vi-l’, sa pou-l’ kwe, ak sa pou-l’ pa kwe.

Satan gouvene vi lom lan atrave mantalite-l’.

Panse lom lan se chanel atrave-l’ transfomasyon ki komanse nan espri lom lan pase pou-l’ chanje nanm lan.

Desizyon Repanti

Pou lom chanel la fe yon desizyon pou-l’ fe levanjil se tankou yon desizyon katastrofik oubyen trajik lap ye paske-l’ gen twop bagay l’ap pedi.

Li gen tan we tet li ki pral fe vi-l’ ap viv nan yon regre pwofon akoz fo-l’ sakrifye yon seri bagay ke-l’ tre sansib anve yo. Yo seri bagay ki fe pati vi l’ap mennen ak sa ke-l’ ye.

Moun lan nan eta pedisyon ke l’ap viv la gen tan imajine reyalite vi Kretyen-an nan sans tout sakrifis ke-l’ gen pou-l’ fe. Sa rann li reyalize ke-l’ pa vle vi-l’ gen anyen pou-l’ we ak yon reyalite konsa.

Telman mantalite lom lan santre sou yon entansyon pou-l’ pa chanje. Le-l’ tande levanjil se tankou mesaj la rebondi.

Lom chanel la santi-l’ pi byen nan viv nan teneb. Se tankou preche-l’ levanjil vin jayi yon limye sou sa l’ap fe-a ki rann li vin pa konfotab.

Moun lan pa ka gade vi Kretyen-an nan yon pespektif ki depase mantalite k’ap domine panse-l’.

Fos sa li opoze lòm lan fe yon desizyon atrave pwop fason yo panse ak volonte yo. Li rann ke yo santi yo pi byen kote yo ye-a. Li rann ke yo pa vle fe yon desizyon.

Fos Satan nan domine lavi lom lan atrave vi rebelyon l’ap mennen se prezante yon fiti ki nwa, san espwa si moun sa ta resi fe yon desizyon abandone vi sa l’ap mennen-an.

Mantalite Kont Vi Kretyen-an

Tout dezi lòm lan sanse kole oubyen atache ak vi ke l’ap mennen-an.

Peche gen yon tandans ki toujou ap fè moun lan ap gade dèyè paske gen yon bagay ke moun lan pa ta vle kite-l’ konsa.

Tandans lan fè lòm lan santi ke vi yo ap mizerab jou yo ta resi kite peche sa. Se tankou peche sa se tout pou yo.

Lè moun sa ap kontanple vre fè desizyon remèt vi-l’ a Kris, li kòmanse santi difikilte mennen vi sa depi avan menm li fè yon desizyon. Selon pwòp konsepsyon-l’, li pa ta vle al viv nan yon kondisyon tèrib konsa.

Se tankou yon vi konsa pa pou li. Anplis, se pa yon vi ke-l’ santi-l’ ka mennen.

Vi Kretyen-an vin parèt tankou yon vi touman ak prizon. Se youn nan rezon moun ap kouri pou responsabilite ke Bondye enpoze sou yo pou yo soumèt yo a Li menm.

Note

Reyalite mesaj levanjil la se yon reyalite ki depase lom lan menm ak tout fason ke-l’ panse.

Gen anpil moun ki vle kite peche lè yo fin rejwi plèzi ki gen nan vi y’ap mennen-an nan degre pou yo pa gen okenn apeti pou peche sa anko.

Moun k’ap viv nan lemond ap opere selon pwop vesyon reyalite pa yo ki baze sou desepsyon enmi-an ap bonbade domen y’ap opere-a. Se rezon ki fe y’ap toujou we bagay yo yon lot jan.

Enpak Memwa Eksperyans Vi Peche Sou Lòm

Trè, Trè, Trè Enpòtan Konsènan Enpak Pawòl La